Sekretáriu Estadu Konsellu Ministru no Komunikasaun Sosiál, Matias Freitas Boavida hateten, Governu fó prazu ba kompañia privadu sira tenke remata iha inskrisaun iha fulan-Juñu, tinan ne’e.

Tuir nia, bainhira inskrisaun ne’e remata hahú ona implementa lei seguransa sosiál traballadór no funsionáriu sira ba rejime ne’ebé Governu halo asegura vida kada traballadór iha kompañia, nune’e mós funsionáriu públiku.

To’o oras ne’e, iha ona instituisaun Governu no mós empreza privadu ho públiku lubuk ida mak hala’o ona inskrisaun. Nune’e, hahú ona implementa lei seguransa sosiál ba kada funsionáriu sira iha instituisaun sira ne’e.

Nia dehan, Governu kontinua ezije ba kompañia privadu sira atu kumpre atu bele garantia futuru funsionáriu sira bainhira enfrenta situasaun difisil.

Oras ne’e daudaun, Governu liu husi MSS kontinua dezamina lei seguransa sosiál iha munisípiu hotu, maibé kontinua ezije setór privadu sira tenke rejista atu kompleta.