“Loron ohin (3/11), loron espesiál ba inan feton sira iha Timor-Leste, loron ne’ebé Governu deside nu’udar Loron Nasionál ba Feto-Timor-Leste, koinsidénsia ho loron mate eroína boot, Maria Tapó, nu’udar onra ba feto timoroan hotu-hotu ne’ebé ho dedikasaun tomak no brani hodi hamriik hamutuk ho asua’in mane sira iha luta kontra okupasaun estranjeira durante tinan 24, ne’ebé ikus mai ita sai duni nasaun ida livre no independente,”dehan Taur lihusi nia nia komunikadu, ne’ebé online Independente asesu.
Tuir PM Taur katak, loron 3 Novembru nu’udar loron reflesaun oinsa atu tau importansia ba papel feto sira iha prosesu dezenvolvimentu nasionál, ne’ebé hahú ona iha tempu luta.
Aproveita loron ida ne’e, hodi VIII Governu Konstitusionál nia naran no ha’u-nia naran rasik, hakarak fo saudasaun espesial ba inan-feton sira iha Timor-Leste laran tomak, ba loron espesiál ida ne’e.
