Korpu Kréditu Servisu Kaebauk Investimentu, Elizeu Oliveira Gomes hateten, finalmente Primeiru Ministru halo aprovasaun ba mikro kréditu Kaebauk investimentu hodi hetan legalidade iha área mikro kréditu.

Nia dehan, programa mikro finansas ne’ebé mikro kréditu halo operasaun to’o 13 munisípiu iha ne’ebé iha ramu ba mikro kréditu ne’e rasik daudaun ne’e eziste 22 territóriu tomak.

“Ami nia programa ne’e haree liu oinsá fasilita mikro kréditu ba komunidade sira iha territóriu Timor laran tomak atu halo negósiu ki'ik,” dehan Elizeu, iha Palásiu Governu, horisehik.

Mikro kréditu ne’e hahú husi organizasaun naun governamentál ho naran Tuba Rai Metin, maibé regulamentu foun husi Banku Central, ne’e duni transforma fali Kaebauk Investimentu Mikro Kréditu.

Tuir planu, Uniaun Europeia sei apoia orsamentu ba mikro kréditu ne’e rasik ho montante tokon $2 ba hodi fó kréditu ba komunidade sira atu halo kréditu osan iha negósiu ki’ik.

Nia dehan, antes ne’e, Kaebauk rasik hetan apoia orsamentu husi Instituisaun mikro kréditu seluk, maibé hetan ona legalidade, ne’e duni sei loke liras to’o área rurais sira.

Tanba ne’e, Elizeu haktuir, daudaun ne’e mikro kréditu Kaebauk iha ona kliente 13.000, funsionáriu rasik iha 300-resin, ne’ebé fasilita halo kréditu ba komunidade kbiit laek sira bainhira presiza osan hodi fasilita halo negósiu ki’ik.