DILI: Polisia Nasionál Timor Leste (PNTL) no parte seguransa Igreja nian kaer ema na’in haat ne’ebé deskonfia sai autór tuda malu iha selebrasaun misa Sábadu Aleluia iha Igreja Parókia Imaculada Conceição Balide Dili.
Konfrontu tuda malu entre grupu joven Suku Maskarinhas no Lahane Orientál akontese iha oras tuku 11:00 kalan halo sarani rihun hakfodak, tanba joven sira ne’e hemu tua iha li’ur maka tuda malu tama too Jardín Igreja laran hodi halo sarani rihun halai arbiru too soke tan madre Armada ne’ebé fó hela komunga too óstia nakfakar ba rai.
Adeus Belun, Hakmatek iha O Fatin
EMA lubuk forma iha estrada-ibun bainhira karreta metan nia makina hahú lian. La kleur tan, belun di’ak ida, ne’ebé toba iha kaixaun mutin nia laran, sei ba. Karreta hahú halai, ema hirak ne’e hiit liman hodi fó adeus ba dala ikus.
Ambulansia halai ba daudauk, husik hela ema hirak ne’ebé hamriik ho idaidak nia sentimentu no memoria. Triste tan lakon belun di’ak ida. Mata-been turuk tan memoria furak ne’ebé husik hela. Fuan hanesan la fiar haree realidade ne’e.
Tribunal Rekursu Koko Solusiona Lalais Kazu Emilia Pires-Lucia Lobato
DILI: Tribunal Rekursu sei esforsu an atu iha tempu badak nia laran rezolve kazu eis Ministra Finansas Emilia Pires no eis Ministra Justisa Lucia Lobato.
Prezidente Tribunal Rekursu, Deolindo dos Santos hatete, nia parte sei koko atu fó solusaun lalais ba kazu rua ne’e.
Kazu 200 Resin Pendente iha Tribunál Rekursu
DILi:Prezidente Tribunal Rekursu, Deolindo dos Santos informa daudauk ne’e iha kazu 200 resin mak sei pendente hela iha Tribunál Rekursu.
“Iha Tribunál Rekursu agora daudauk iha (kazu) 200 resin mak pendente iha ne’eba. (kazu) ne’e total husi kazu krime, sivil ne’ebé pendente iha ne’eba,” deklara Deolindo ba jornalista sira hafoin enkontru semanál ho Prezidente Repúblika Francisco Guterres Lu Olo iha Palásiu Prezidensiál Bairu-Pite, Segunda (15/4).
Domingu Ramos Momentu Di'ak ba Politiku Halo Reflesaun ‘Hakribi Ódiu no Vingansa’
DILI: Prezidente Repúblika (PR) Francisco Guterres Lú Olo husu ba lider partidu politikus hotu- hotu atu halo reflesaun ‘hakribi ódiu no vingansa’ iha períodu semana santa.
PR konsidera, reflesaun ba semana santa nu’udar parte importante ba sarani katólika hodi hari pás no dame no solusiona impase polítika ne’ebé mosu entre lider polítiku sira durante ne’e.
Indonézia Prontu Apoiu TL Kombate Droga
DILI: Governu Indonézia hatudu nafatin kometimentu hodi apoiu Timor-Leste iha setór seguransa, liuliu ba kombate droga.
Reforsa kometimentu ne’e, Governu Indonézia hametin kontinua hametin kontrolu iha fronteira terrestre no tasi hodi evita tranzasaun droga no peska ilegál entre rai rua ne’e.
TIR La Merese Konsistente ba Autór
DILI: Bankada FRETILIN iha Parlamentu Nasionál konsidera la merese atu Tribunál Munisipál Dili (TMD) fó medida koasaun termu identidade rezidénsia (TIR) ba suspeitu droga.
DILI: Relasiona ho kazu deskonfia membru Polísia Migrasaun balun halo kobransa ilegál ba sidadaun estranjeiru iha fronteira no Aeroportu Dili, Komandante Jerál Polísia Nasionál Timór-Leste (PNTL), Komisáriu Faustino da Costa, sei foti medida, tanba la tolera hahalok ne’e.
“Ha’u ba enkontru ho sira, ha’u dehan ba sira aktu ida ne’ebé la merese, se iha karik evita sees husi ne'ebá, tanba ha’u sei la tolera ida ne’e, ha’u dehan ona ba sira iha ne'ebá”, tenik nia, hafoin enkontru ho Komandu Unidade Espesiál Polísia (UEP), iha Bairru-Pité, Sesta (12/4).
Atu lee kompletu iha jornal imprime, edisaun segunda (15/4) ou kontaktu direita ba Diresaun Jornal INDEPENDENTE, iha Hudi Laran Dili.....
PM Taur Kondena Autór Lori Materiál Droga Mai TL
DILI:Primeiru Ministru (PM) Taur Matan Ruak kondena autór ne’ebé lori materiál droga mai Timor Leste (TL) tanba prejudika futuru joven sira nian.
“Aktu ida ne’ebé kondena. Hanesan Primeiru Ministru, apela ba sidadaun sira atu kuidadu, bainhira introdus buat ne’ebé ita nia lei bandu tanba prejudika ita nia joven sira nia futuru,” hateten PM Taur Matan Ruak hafoin enkontru semanál ho Prezidente Repúblika, Kinta (11/4).
DILI: Servisu Rejistu Verifikasaun Emprezariál (SERVE) la fó linsensa ba kompañia L ne’ebé diskonfia hatama materiál droga mai TL, tanba SERVE emite lisensa ba iha atividade, agrikultura, konstrusaun, no administrasaun.
Supervisora Senior SERVE.IP Ana Jeannie Alexander se Corte-Real hateten, kompañia L rejistu ba lisensa atividade iha loron 29/04/2016, atribui ho númeru 1003607, hodi halo atividade iha área agrikultura konstrusaun, no administrasaun no la fó lisensa atu hatama materiál droga mai TL.
More...
DILI: Prokuradór Jeral Repúblika (PJR) José da Costa Ximenes deklara katak nia la aseita ho desizaun tribunal hodi aplika Termu Identidade Rezidensia (TIR) ba ema na’in rua ne’ebé deskonfia sai autór ba kazu hatama droga mai Timor Leste.
DILI:Tuir observasaun jornalista Jornal INDEPENDENTE, karreta rua ne’ebé tula primária produsaun droga to’o horisehik para hela iha kampu Komando Jeral PNTL, Kaikoli-Dili.
Karreta dahuluk ho marka Pajero kór malahuk ho xapa matrikula 25.813, no karreta daruak ho marka Toyota ho xapa matrikula Indonezia nian, DH 1251 ED, para rabat malu ho karreta polisia sira seluk.
Atu hatene klean na'in husi karreta ne'e bele lee kompleta iha jornal imprime, edisaun Kinta (11/4) iha kapital Dili, ou kontaktu direita ba edifisiu jornal INDEPENDENTE, iha Hudi Laran Dili...
Dalan Kloot ba Fatin Latan Isin
LADUN defisil atu hetan fatin ne’e. Uma kiik ida ho medida 3x6 metru kuadradu hamriik entre uma seluk nia leet. Maske nune’e, atu asesu ba uma ne’e ema na’in rua labele la’o hamutuk dala ida, tanba dalan ne’ebé iha so ba isin ida de’it.
Iha uma kiik ida ne’ebé lokaliza iha Aldeia 12 Outubru, Tasi Tolu, ne’e mak Afonso da Silva (56) hela. Dezde tinan 2006, Afonso harii uma kiik iha fatin ne’ebé “nain laiha” ne’e hodi bele hamahan netik isin husi loron manas no udan-been.
DILI: Desizaun Tribunál Distritál Dili (TDD) ba kazu importasaun ai-moruk primária produs droga hatudu momoos inkapasidade juis sira, tanba la aprende husi kazu hirak ne’ebé akontese liu tiha ona.
Iha pasadu autór kazu droga barak halai ona ba rai li'ur hafoin aplika medida koasaun Termu Identidade Rezidénsia (TIR), maski nune’e to’o ohin loron tribunál nunka aprende husi kazu hirak ne’e.
Independente Digital TV
Trending
Latest
Follow us on Facebook
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261