“Ami aperejenta ba Prezidente Repúblika katak PNTL halo ona koordenasaun ho parte relevante ba iha prosesu sira, ne’ebé PNTL preparadu oinsá atu asegura durante periode pagamentu subsidiu ba ita nia komunidade sira,”dehan nia, hafoin enkontru semanál ho PR, iha Palasiu Prezidensiál, Bairru-Pité, hoirsehik.

Faustino informa, membru PNTL sira mós sai benefisiariu ba subsidiu ne'e no fiar katak sei asegura prosesu ne'e too remata, tuir orientasaun komandu nian.

Entretantu iha fatin hanesan Primeiru Ministru, Taur Matan Ruak hatete, apoiu ba subsidiu ba sidadaun sira, kona-ba atividade preparativus.