Tuir ajenda, pagamentu subsidiu ba komunidade sei realiza iha loron 9 too 11 fulan-Juñu 2020.

"Primeiru Ministru husu ba autoridade lokal hotu-hotu atu bele fó apoiu ba ekipa husi  Ministériu Solidaridade Sosial no Inkluzaun atu halo pagamentu no garante katak benefisiariu  sira sei partisipa hotu iha fatin determina ona,"hatutan MAE Miguel hafoin enkontru ho PM Taur, iha Palasiu Governu, (05/06)

Governante mós realsa, nia parte fó ona orientasaun ba Diretór Jeral no Diretór nasional MAE nian atu semana oin bele tun ona ba munisipiu sira nunee bele orienta autoridade lokal sira atu akompañia prosesu pagamentu no mobiliza komunidade sira ba iha fatin pagamentu ne’ebé determina ona.

“Ministériu Finansas haruka ona osan tokon hamutuk  $59.6 ba Banku Nasional Comersiu Timor-Leste (BNCTL) atu subsidia ba kada uma kain hamutuk rihun 298.119,”tenik nia.