Diretora Prestasaun Saúde, Odete Viegas da Silva hatete, kada tinan governu aloka orsamentu tokon $7 apoiu pasiente halo tratamentu saúde iha rai liur.
Ospital sira ne’ebé Ministériu Saúde (MS) halo parseria maka Singapura, Malazia no Indonezia.
“Agora dadaun pasiente na’in 43 maka sei halo tratamentu iha rai liur ho tipu moras kurasaun no kankuru,”dehan nia iha Vila-Verde, ohin.
Nia dehan, pasiente sira ne’ebé hemodialisa ka fase raan ne’e agora dadaun iha Hospital Nasional Guido Valadares (HNGV), la haruka ona ba rai liur. Agora dadaun ne’e pasiente na’in 92 maka fase raan iha HNGV.
