LIKISA: Kandidatu Prezidente Republika, Lere Anan Timur, husu ba joventude no apoianate sira husi partidu politiku hotu-hotu, atu ba tuir kampaña karik labele tuda malu no provoka malu hodi barilla situasaun.

MANUFAHI: Prezidente Partidu CNRT, Kay Rala Xanana Gusmão, konsidera kandidatu José Manuel Ramos Horta maka bele solusiona problema rai-laran, tanba  mundu koñese hotu.

DILI: Presidente Komisaun Nasional Eleisaun (CNE), José Agustinho da Costa Belo, husu ba kandidatua prezidente republika hotu-hotu atu kumpre regra paktu eleisaun pasifiku. Tanba ne’e, tenke evita ataka no insulta malu iha palku leten no foku de’it ba programa.

ERMERA: Eis Ministru Saúde, Nelson Martins, konsidera Timor-Leste daudauk ne’e sofre moras todan tanba lider sira la hakbesik an ba malu, no kandidatu Prezidente Repúblika númeru 8, Lere Anan Timur, mak bele ‘kura’ moras ne’e.

MANATUTO: Konfrontu entre militante no apoiante kandidatu Prezidente Repúblika, Francisco Guterres Lú Olo ho Armanda Berta, iha munisipiu Baukau, hamosu deskonfiansa husi Konseleiru Masimu partidu Khunto ba lider balun.

AINARU: Kandidatu Prezidente Repúblika sira hahú halo promesa balun hodi bele dada simpatia no apoiu husi votante sira. Kandidatu Prezidente husi Partidu Demokratiku, Mariano Assanami Sabino, promete sei bainhira eleitu ba Presidente Repúblika nia sei ko’alia ho Governu hodi hasa’e subsidiu idozus no hasa’e mós salariu ba membru F-FDTL no PNTL.

AILEU: Prezidente Partidu CNRT, Kay Rala Xanana Gusmão deklara, nia fó konfiansa ba José Ramos Horta hodi kandidata an ba Prezidente Repúblika atu lere ne’ebé aitarak labele sona tuun-sa’e.

ATAURU: Kandidatu Prezidente Repúblika númeru 8, Lere Anan Timur, konsidera bainhira kandidatu husi partidu CNRT, José Ramos Horta, eleitu sai Prezidente Repúblika no dizolve duni Parlamentu Nasionál, sei mosu krize foun ida iha Timor-Leste.

BAUKAU: Maske kandidatu Prezidente Repúblika númeru 8, Lere Anan Timur, sai nu’udar figura ne’ebé iha mós potensia atu manan iha eleisaun prezidensial tinan ne’e, maibé ba Konseleiru Masimu partidu Khunto, José dos Santos Naimori Bukar, Lere sei iha Berta nia okos.

DILI: Diretór Ezekutivu Asosiasaun Uniaun Defisiensia Matan Timor-Leste, Jacinto Perreira, hatete, problema bee moos nafatin sai prekupasaun ba Komunidade Aldeia Ailele Hun, Suku Kamea, Postu Administrativu Cristu Rei, Munisipiu Dili.