Tanba ne’e husu ba kandidatu Prezidente Republika Anacleto Bento ne’ebé mai husi partidu (PDRT), bainhira povu fó fiar no eleitu nuudar Prezidente Republika bele rejolve problema refere.

“Ha'u hanoin ita hotu hatene katak, Suku Camea, Suku ida ne’ebé vulneravel tebes,  hanesan bee moos ne’e sai prekupasaun ba komunidade, maibé kuandu ita hato’o prekupasaun ba governu, governu sira rona maibé finjidu larona,dehan nia liu husi dialogu, iha Aldeia Ailele Hun, Suku Kamea, domingo horseik (6/3).

Tanba ne’e,  hanesan ema defisiensia,  husu ba kandidatu ho numeru sorteiu 5, bainhira eleitu nuudar Prezidente Republika bele rejolve asuntu ida ne’e.

Enkuantu, Kandidatu Prezidente Republika ho numeru sorteiu 5, Anacleto Bento afirma katak hanesan Prezidente Republika sei fó influensia ba governu atu haree ba asuntu sosial liliu ba iha infraestutura,  hanesan estrada no bee moos.

Aleinde, sei fó influensia ba governu atu tau ema ho vulneravel sira liliu  feto, labarik feto, Komunidade LQBTIQ no mós Ema ho Defisiensia sira.

“Ha'u sei fó poder influensia tomak ba governu atu tau atensaun espesial ba komunidade minoritaria sira,”dehan nia.

Entretantu, militante partidu balun na’in 96 afilia ba PDRT, tanba haree ba programa kandidatu Anacleto nian di’ak atu halo mudansa ba rai ida ne’e.

“Ami hakarak mai iha partidu ne’e,  tanba haree ba kandidatu nia programa ne’e diak, liliu atu rejolve mos problema bee mos, tanba partidu ida uluk promote de’it buat barak, maibé la realiza. Ho ida ne’e mak ami hakarak mai fali partidu ne’e,"dehan João Justino de Araujo.