DILI: Xefe Negosiadór Kay Rala Xanana Gusmão to’o Dili Domingu horsehik, iha tuku 2:15 oras Timor-Leste ho aviaun Sriwijaya Airlines,

Durante fulan-lima (5) nia laran iha rai liur, Xanana fila hikás mai Timor-Leste, ne’ebé simu diretamente husi Eis-Prezidente Repúblika, Taur Matan Ruak, Ministru Saúde, Rui Maria de Araújo, Ministru Negósiu Estranjeiru, Aurélio Guterres, Ministru Defeza no Seguransa, Agostinho Sequeira Somotxo, no Ministru Petróleu no Rekursu Naturais, Mariano Assanami Sabino no povu Timor-Leste rihun ba rihun.

Iha aeroportu oin, massa hirak lori bandeira RDTL ho kontente simu Xanana hodi hakilar “viva Xanana Gusmão” hodi kontinua ho karavana husi Aeroportu ba sede CNRT.

Tuir observasaun diario ne’e iha aeroportu, povu balun ho sira nia konsensia rasik lao husi sira nia hela fatin too aeroportu no balun hamrik iha estrada ninin hodi  hatoo sira nia agradesimentu wa’ain no hatoo kongratulasaun ba eis komandante gerileiru ne’e.

La’os povu babain de’it ba hein, tantu husi partidu politiku sira, sosiedade sivil sira, ne’ebé lori ho emblema oioin hamrik iha aeroportu oin too mai iha bundaran lafatik.

Ema rihun ba rihun akompanha Xanana husi aeroportu Nikolau Lobato Dili too iha sede CNRT.

Durante karavana la’o situasaun kontroladu tanba hetan seguransa makaas husi membru Polisia Nasionál Timor-Leste (PNTL). 

DILI: Lider rezisténsia sira barak mak sei moris hela, ne’e duni tenke hahú hanoin ona oinsá ema sira ne’ebé bele sai lider sentrál no sai mós patrimóniu Estadu Timor-Leste nian.

DILI: Xefe Negosiadór Prinsipál Delimitasaun Fronteira Marítima, Kay Rala Xanana Gusmão husu ba Prezidente Repúblika, Francisco Guterres ‘Lú-Olo’ atu fó kondekorasaun ba ekipa advogadu Timor-Leste, Elihli Luaterpache ho nia ekipa tomak ne’ebé defende nasaun ne’e.

DILI: Igreja Katólika iha Timor Leste kongratula Xefe Negosiadór ba Delimitasaun Fronteira Maritima Xanana Gusmão ho esforsu makas mak Timor Leste hetan Vitória ba Fronteira Maritima Permanente (FM).

Tanba ne’e, Padre Angelo Salsinha husu ba Sarani Timor Leste tomak atu kontinua reza makas ba xefe negosiadór delimitasaun fronteira Maritima ho ekipa ne’ebé hetan susesu luta ba soberanu Tasi Timor-Leste.

Iha Selebrasaun misa Agradesimentu, Padre ne’e dehan, Igreja hamutuk ho Veteranu no povu Timor Lorosa’e hato’o benvindu ba maun boot Xanana Gusmão ne’ebé sai pesoál importante ba negosiasaun FM.

Esforsu Xanana ho ekipa negosiadór inklui advogadu sira mak konsege TL hetan ona rohan ba Fronteira Maritima.

“Maromak nia tulun ho nia grasa no matebian sira nia tulun ikus mai lori duni rezultadu di'ak ba rai Timor no povu Timor ninia di’ak,” dehan nia liu husi Omilia Misa agradesimentu iha Sede CNRT -Bairru Gruillus-Dili, Horisehik.

Lori Igreja no sarani katólika nia naran Agradese no fó obrigadu wain ba maun Boot Xanana Gusmão ne’ebé durante ne’e halo negosiasaun ba lina tasi entre Timor Leste ho Austrália ikus mai lori novidade foun ba povu iha rai doben ne’e.

“Ita nia Maromak fó fiar ba Xanana Gusmão nu’udar Xefe negosiadór hodi diskute fronteira maritima ho nasaun boot konsege hetan rezultadu di’ak,” dehan nia.

Iha fatin ketak, Eis Sekretáriu Estadu Juventude Desportu (SEJD), Leovigildo Hornai hatete, rezultadu Fronteira Maritima ne’e susesu boot ida ne'ebé Timor Leste hatudu ona ba mundu ho ninia kapasidade.

“Ha’u hakarak apela katak rezultadu loloos Timor Leste manan tiha ona. Tanba ne’e labele politiza sasan sira,”dehan nia Iha Otél Timor, foin lalais ne’e.

Tanba ne’e, nia dehan, Povu TL tenke orgullu katak manan ida ne’e la’ós ba rikusoin de’it, maibé manan ida liu husi matenek ho kapasidade ne’ebé timoroan iha.