“Mais ba senáriu ida agora ita boot sira nia papel saida (prefere ba FRETILIN), ida ne'e mak ha’u hakarak hatene, ita boot sira FRETELIN lakohi ba eleisoes no agora atu haree de'it ka oinsa, ita gasta tinan hira ona ita iha…2022, eleisaun prezidensial 2023 eleisaun parlamentares, partidu sira asentu iha parlamentar manan saida iha eleisaun agora,”dehan Taur iha konferénsia ba imprensa nakloke, hafoin konferénsia Nasionál FRETILIN nian ba da-hat, iha salaun Parokia sao Jose katedral Dili, (14/03).

Presidente Partidu Libertasaun Popular ne’e dehan, dala ruma ema konfunde ho opiniaun lider sira no opiniaun Presidente Repúblika nian, maibé tuir nia katak Presidente Repúblika hanesan orgaun ida halo konsultasaun hafoin deside tuir nia konsensia no vizaun bazeia ba intrese ho objetivu nasaun no estabilidade governativa.

Nia dehan, estabilidade governativa mak importante liu, serake koligasaun foun lideradu husi partidu CNRT ho maioria parlamentar hamutuk 34 forte liu fali koligasaun anterior nian hamutuk 36, ida ne’e kestionavel no hamosu duvidas ba estabilidade governativa foun mai.

Tanba ne’e, Presidente PLP ne’e hakarak FRETILIN pro-ativu liu ajuda buka solusaun ba governativa tinan rua mai.

Espera katak FRETILIN bele kontribui ba solusaun governativa tempu tuir mai, liu-liu garante estabilidade ba nasaun iha tinan rua mai.

 “Ita la taka dalan ba eleisoes, mais ha’u hatene ita nia povu sei iha pasensia par atu lori ita ba dezenvolvimentu, entre mal-menor, mal-maior tenke hili ida ne'e, i rasional di’ak liu hili mal-menor,”tuir Taur.

“Ha’u espera ita boot sira (FRETILIN) bele kontribui ba solusaun governativa tempu tuir mai, liu-liu iha tinan rua ne'e par garante estabilidade ba nasaun, depende ba ita boot sira ho Matan Ruak mós di’ak no la ho Matan Ruak mós di’ak,”Taur husu ba FRETILIN.

“Iha ultimu governu ba sestu governu ha’u hanesan Prezidente Repúblika ha’u pergunta ida ba Maun Xanana katak ita boot garante ba ha’u katak estabilidade governativa ne'e to'o final, (Xanana) hatan garante ami iha maioria unaminidade iha parlamentu, entaun transferensia ba Dr. Rui ba Primeiru Ministru mesmu ema akuza ha’u katak ne'e inskonstitusional hanesan Prezidente Repúblika responsablidade ha’u asume, entaun kestaun ida estabilidade governativa ne'e importante, abraja sira ne'ebe partidu sira tenke esforsu halo no meiu ida ne'e mak papel FRETILIN,”Taur haktuir.