Alkatiri: Governu IX Dalan Sei Badak Featured

By Aquino Gomes Marsu 14, 2020 2692
Alkatiri Alkatiri

DILI:Sekretariu Jerál FRETILIN, Mari Alkaatiri deklara governu dasia (nono Governu) ne'ebé lidera husi prtidu CNRT hamutuk ho KHUNTO, PD, PUDD, UDT no FM sei ladura to'o mandatu remata no sei monu fila-fali.

Koligasaun foun lidera husi Kay Rala Xanana Gusmão aprejenta ona rejultadu husi konferensia husi kada partidu ba Presidente Repúblika. Seidauk iha desizaun husi Presidente Repúblika ba koligasaun foun hodi forma Governu dasia.

“Nono Governu dalan sei badak no sei rahun fali tanba intensaun Xanana nian laos atu hein to'o 2023 maibé atu provoka de’it krize ba eleisaun antesipada,"dehan Alkatiri,iha abertura diskursu IV Konferensia Nasional FRETILIN, iha salaun Paroquial Igreja Katedral, Villa Verde, Sabado (14/03).

Nia dehan, partidu politiku sira ne'ebé la'o hamutuk ho Xanana boa sorte, tanba ne'e fó lia menon ikus, hori uluk, hori wain maubere aswain.

Bainhira fundadores FRETILIN di’ak sira hahu harii organizasaun, organizasaun ida ne'e buka medas nia abut iha povu nia let atu hametin ho povu.

Tanba ne'e hori uluk horiwain FRETILIN mak povu, povu mak FRETILIN naran maubere, naran ema ain tanan, povu no kiak, rabat rai nia domin nia naran povu no ema sira ne'ebé moris ih Nakukun ho nia fiar rasik hatudu nia tauk no respeitu lulik oioin.

Maibé hatudu nia brani bainhira simu lia menon luta ba dalan foun. Dalan naruk ida ne'e ho kbiit rasik, dalan ba kore aan ba Independensia, atu maubere bele hakat oin buka moris, moris ne'ebé ho dignidade fitun mutin ukun rasik aan.

Maubere hanesan naran ema kiak nian, atu fila hikas ba maubere hanesan konseptus sosio antropolojikus no politiku dinamiku tebes.

Konferensia Nasionál ne’e partisipa husi Primeiru Ministru Taur Matan Ruak, kuadrus Partido Demokratiku (la inklui Sekretariu Jerál ho Presidente PD), kuadrus partidu KHUNTO balun, Presidente Partidu Dezenvolvimentu Nasional (PDN).

Rate this item
(0 votes)

Independente Digital TV

Tuir ami iha Twitter

Kalendariu Notisia

« June 2024 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30