ADTL Simu Ona Fós Saka 500 Husi MSSI
DILI:Asosiasaun Defisiensia Timor-Leste (ADTL), simu ona fós hamutuk saka 500 husi Ministeriu Solidariedade Sosial no Inkluzaun (MSSI).
DILI: Ministru Asuntu Parlamentar no Komunikasaun Sosial (MAPKOMS) ho media Suara Timor Lorosa’e (STL.Corp), Timor Post ho mídia INDEPENDENTE, segunda horsehik (12/4), asina akordu koperasaun kona-ba material públisidade luta kontra surtu covid-19 iha Timor-Leste.
DILI:Inundasaun ne’ebé akontese iha loron 4 fulan-Abril, laos de’it akontese iha kapital Dili, maibé afeta mós ba Munisipio balun inkluindu Rejiaun Administrativa Espesial Oekusse-Ambeno (RAEOA).
DILI:Nasaun lima (5) mak apoiu ona Timor Leste liu husi Sekretaria Estadu Protesaun Sivil (SEPS) iha situasaun dezastre naturais ne’ebé akontese iha loron 4 fulan abril.
DILI:Sala Situasaun Sentru Integradu Jestaun Krize (SIJK) relata ohin loron 12 fulan-abril 2021 deteta tan kazu foun na'in 28, husi munisipiu Dili, Bobonaro, Covalima no mos munisipiu manatuto, nune’e kazu ativu sa'e ba 544.
DILI:Prosesu haloot matebian Armindo Borges ne’ebé deskonfia mate tanba moras Covid-19, hamosu dezentendimentu ka hamosu pro no kontra.
Eis Presidente Repúblika, Xanana Gusmão, nuudar reprejentante familia matebian, halo intervensaun direita hasoru ekipa konjunta saúde ne’ebé prepara atu lori sai kaixaun mate isin iha izolamentu Vera Crus ba haloot iha Metinaro, semitériu Covid-19.
DILI:Apoiu solidariedade husi veteranus Australia ba vitima inundasasun to’o ona iha Timor-Leste.
Apoiu hirak ne’e tula ho Aviaun Airnorth husi Australia to’o iha Aeroportu Internasional Nicolau Lobato Dili, iha oras tuku 12:11.
DILI:Primeiru-Ministru, Taur Matan Ruak, enkoraja ekipa mediku sira atu kontinua hala’o serbisu no lalika tauk ba presaun sira.
Xefe Governu ne’e kontinua enkoraja mediku sira, relasiona ho pasiente na’in ida ne’ebé positivu Covid-19 hakotu iis hodi kalan, nune’e ohin dader, eis Prezidente Repúblika, hanesan mós eis Primeiru-Ministru, Xanana Gusmão ba hala’o impedementu, hodi Governu labele lori ba haloot tuir protokolu saúde nian iha semitériu própriu Covid-19 nian iha Metinaru.
Ho situasaun ida ne’e, daudaun ne’e hamosu ema nia sentimentu negativu ba profisionál saúde sira, ema balun hahú reazen tuda ambulánsia sira no la fiar médiku sira.
Ba situasaun ida ne’e, Xefe Governu enkoraja médiku sira no ekipa liña frente hotu atu kontinua firme serbisu, keta triste no lakon esperansa, tanba Governu no Estadu iha hela ita-boot sira nia sorin.
“Ha’u lamenta ho situasaun ohin iha Vera Cruz, devia ser ida ne’e la podia akontese. Ha’u rona, ema balun komesa tuda ambulánsia no ita nia ekipa liña frente sira, atitude ne’e sei la ajuda atu kombate moras ne’e iha ita- nia rain," dehan Primeiru Ministru Taur Matan Ruak husi komunikadu imprensa ne'ebé online Independente asesu husi media Gabinete, Segunda ohin (12/04).
“Hanesan Primeiru-Ministru, hakarak manifesta ha’u-nia solidariedade no apoiu tomak ba profisionál saúde no ekipa sira hotu iha liña frente iha Sala Situasaun, korajen no kontinua serbisu, ita-boot sira sei la mesak, Governu no Estadu tomak iha ita-boot sira nia kotuk.”
Jornalista: Pedro Alves
Editor: Jose Sarito Amaral
DILI:Sekretaria Estadu Protesaun Sivil (SEPS) halo ona intervensaun ba komunidade sira iha Dili hamutuk rihun 1.396 familias.
Traballador Timor-oan Iha Australia-0NG Apoiu Umanitaria ba Vitima Inundasaun
DILI:Traballador Timor-oan ne’ebé servisu iha Australia no mós Organizasaun Naun Govermental (NGO) apoiu umanitaria ba vitima inundasaun ne’ebé akontese iha loron 4 fulan-abril.
More...
DILI:Sala Situasaun Sentru Integradu Jestaun Krize (SIJK) relata ohin loron 11 fulan-Abril, deteta kazu foun na’in 38.
Kordenador Forsa Tarefas no Mitigasaun Surtu Covid-19 iha Timor-Leste, Rui Maria de Araujo hatete, kazu foun na’in 38 ne’e iha mane na’in 15 no feto na’in 23.
Japaun Apoia Manta Rihun 5 ba Vitima Inundasaun
DILI:Governu Japaun liuhusi Japaun Internasional Cooperation Agency (JICA) fó apoia manta rihun 5 ba Governu Timor-Leste hodi rejolve vitima husi inundasaun ne’ebé akontese iha loron 4 fulan-Abril 2021.
DILI: Governu liu husi Ministériu Edukasaun Juventude no Desportu (MEJD) deside adia fali kalendáriu ezame ba periodu dahuluk iha loron 19 too 24 fulan-Abril tinan ne’e.
DILI:Sala Situasaun Sentru Integradu Jestaun Krize (SIJK) relata ohin loron 10 fulan-abril 2021 deteta tan kazu foun na'in 61, husi munisipiu Dili, Bobonaro, Ermera no mos munisipiu Ainaro, nunee kazu ativu sa'e ba 531.
Kordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Dr. Rui Maria de Araújo hatete, husi kazu foun nain 60 nee iha mane na'in 30 no feto na'in 31.
"Kazu konfirmadu na'in 61 nee, iha sintomatiku na'in 2 no sira neebe laiha sintomas ka asintomatiku hamutuk nain 59,"dehan nia iha konferensia imprensa, iha CCD, (10/04). Nia esplika, evulusaun iha munispiu Dili iha kazu foun nain 54.
Nune’e, kazu positivu detetadu iha Dili husi loron 7 marsu 2021 to’o ohin loron 10 abril tinan 2021 hamutuk 796.
Ho baze ba informasaun ne’ebé disponível, ekipa konjunta saúde halo fali revizaun ba fokupropagasaun ka cluster iha Municipiu Dili ho baze ba ligasaun entre kazu iha área jeografika no expozisaun ba fonte infesaun.
Ho nune’e, iha Munisipiu Dili reorganiza cluster tuir área jeográfika suku nian ho fatin propagasaun seluk mós, hamutuk 23 cluster. Iha Munisipiu Bobonaro deteta kazu foun 1. Kazu ida ne’e halo viájen husi Dili iha loron 6 abril 2021.
Iha Munsipiu Ainaro deteta tan kazu positivu 1. Kazu positivu hirak ne’e halo viájen husi Dili iha 3 abril 2021. Iha Ermera deteta tan kazu positivu 5. Kazu hirak ne’e halo viájen husi Dili.
Entretanto, dadus jeral ba loron ohin iha kazu foun nain 61, nain 54 iha Munisipiu Dili no nain 7 iha munisipiu sira seluk.
Kazu rekuperado nain 45 no kazu ativu neebe iha sala izolamentu hamutuk nain 531. SIJK nafatin apelu ba populasaun sira atu ba sira ne’ebé maski lakon uma, sasan no hela fatin, no tenki evakua ba fatin públiku sira, halo favór nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza máskara, no fase liman beibeik ho bé no sabaun ka dezintetante ruma.
Husu mós ba populasaun ne’ebé provizóriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu.
Ba populasaun ne’ebé laafetadu husi efeitu inundasaun, favór respeita nafatin regra sira ne’ebé Governu hatuur ona atu prevene moras Covid-19 da’et ba mai. Regra sira ne’e, hanesan ita hotu hatene ona.
Jornalista: Saturnina da Costa
Editor: Jose Sarito Amaral
Independente Digital TV
Trending
Latest
Tuir ami iha Twitter
Online Independente
Avenida Delta, Hudi Laran, Dom Aleixo
Dili, Timor-Leste
- Editor:
Jose Sarito Amaral - Saturnina da Costa
Jornalista:
Ivonia Varela
Kontaktu:
(+670) 77358204
(+670) 78579261