Tuir Ministru Prezidensial Konsellu Ministru, Fidelis Leite Magalhães, hateten, medida ne'e ho objetivu atu fasilita asesu internet husi parte dosente no estudante ensinu superior privado sira.
"Apoiu estabelesimentu ba ensino superior privadu atu asesu ba internet ne'e konkretiza liu husi pagamentu, husi estadu ba kustu instalasaun no manutensaun, ligasaun ba internet husi parte dosente no ensinu superior privadu sira, hanesan valor relasiona ho tráfegu internet," dehan nia, iha Palasiu Governu segunda ne’e (16/05).
Nia hatutan, Konsellu Ministru aprova medida hirak ne’e, ho intensaun atu fó apoiu ba estabelesementu ensinu superior sira atu asesu ba internet ho diak.
Enkuantu, ensinu privadu sira ne’ebé atu asesu ba liña internet mak hanesan, IOB, UNPAZ, ISC, ICS, UNDIL, UNITAL no DIT.
