Tuir Diretóra Interina PITL, Fatima Estrela Soares, hatete, objetivu husi apoia ne’e, atu hodi haforsa feramentus no instituisaun legal, promove normas sosiais pozitivu, hasa'e asesu ba servisu apoiu ba sobrevivente violensia, hadia kolesaun no muda dadus ba mellora politika no hodi haforsa parseria ho sosiedade sivil sira ba eleminasaun violensia hasoru feto no labarik feto iha TL.

Nia hatutan, kolaborasaun entre governo ho parseiru ida ne'e, oinsa dezenvolve koñesimentu kona-ba aprosimasaun ho komprimisiu atu prevene violensia hasoru feto no labarik feto, ho akordu estratejia nasional ida, kompreensivu ba mudansa komportamentu servisu hotu ho modelu ekolojiku.

Aleinde, atu atinji metas katak, feto ho labarik feto bele goja sira nia direitu no moris livre husi violensia.

“Objetivu Jeral husi projetu ida ne'e, mak atu kontrbui ba dezenvolve estratejia nasional bazeia ba evidensia atu promove normas igualdade jeneru, atitude no komportamentu,”dehan nia iha salaun Hotel Timor, segunda ne’e (16/05).

Nia dehan, nune’e mós, atu dezenvolve Timor-Leste ne’ebé kontextualizadu utiliza produtus inovativus kona-ba abordazen ba prevensaun violensia kontra feto no labarik feto.

Entretantu, Embaixador Uniaun Europeia iha Timor-leste Andrew Jacobs, hatete, Uniaun Europeia selebra kontribuisaun plan nian, iha projetu inisiativa spotlight hodi luta ba igualdade jeneru no iha kompremitidu atu prioritiza direitu feto nian.

"Violensia nunka sai parte ida husi komportamentu umanu ou kondisionates, ita bele antisipa no prevene violensia, data, koñesimentu, informasaun no evidensia bazeada seluk tan, aborda kontribusaun hirak ne'e hodi prevene violensia,"dehan nia.

Tanba ne’e, nia dehan, ajensia ONU nafatin iha inisiativa atu suporta Timor-Leste hodi elemina violensia kontra feto no labarik feto.