“Labarik feto sira hasoru difikuldade barak iha situasaun agora, maibé difikuldade ne'ebé sira hasoru, sempre iha solusaun no sira koko lidera buat balun hodi halo mudansa ba sira nia an,”dehan County Programme I Manager Maria Julieta R. Mota, iha Salaun Fundasaun Oriente, kuarta horseik (11/05).
Nia hatutan, projetu ne’e foka ba saúde sexual reprodutiva, oinsa labarik feto sira bele halo mudansa liu-liu atu foti desizaun ba sira nia isin lolon no sira nia moris.
Objetivu jeral projetu ne'e mak primeiru hakarak oinsa atu haforsa kapasidade no kria ambiente ne'ebe favoravel no mos ba sosiedade sivil, ida ne'e hateten katak sosiedade sivil tolu ne'ebe sai pontus importante atu bele haforsa sira nia kapasidade durante tinan liman nia laran.
Segundu, saida mak hakarak hetan maka labarik feto no joven feto sira, sira bele hatene dereitu atu partispa no mos influensia ba komunidade sira liu parte prosesu foti desizaun.
Datoluk hanesan objetivu jeral projeitu ne'e ita hakarak sosiedade sivil iha ona kapasidade ho konesimentu ne'ebe diak, atu bele halo influensia liu-liu parte saude seksual produtiva iha parte oinsa atu bele prosesu foti desizaun.
Ikus liu bainhira ita servisu mesak la hetan suporta husi inan-aman, la hetan garante husi prinsipal sira no mos lider lokal , komunidade sira labele atinji buat ida.
Tanba ne'e, rezultado ba haat ne'e katak hakarak oinsa inan-aman, autoridade lokal, no komunidade sira bele hatene sira nia responsabilidade hodi suporta foti aksaun hodi bele suporta fali feto sira iha prosesu foti desizaun.
Nia haktuir, durasaun ba preparasaun filmajen ne’e, durante fulan tolu, ne’ebé hetan partisipasaun husi labarik feto hamutuk na’in haat ho idade 18.
Ho nune’e, programa ne’e sei implementa iha Munisipiu Aileu no Ainaro, maibé Dili sai hanesan sentral.
Projetu ida ba sosiedade sivil ne'ebé dinamiku no formasaun promove asuntu saúde ba seitor reprodutiva ba asaun labarik feto iha Timor-Leste.
Enkuantu, projetu ne'e hetan fundus husi governu Swedia, ne'ebe mak liu husi Plan Internasional ho nia durasaun tinan lima nia laran no implementa husi tinan 2019 to'o 2024.
Agora dadaun, tama ona ba tinan tolu ona no haat espera, katak saida mak atu atinji liu husi projetu ida ne'e, bele halo duni no bele hetan mudansa ne'ebe hakarak atu hetan.
Entretantu, Autor Prinsipal ba Filmajen, Adelina Vila Nova de Jesus, husi Munisipiu Aileu, senti kontente tebes tanba bele partisipa iha programa ne’e no mós hodi ba mundu katak, feto mós bele.
