Kuantidade  denge ne'e rejistadu  husi Munisípiu sira mak hanesan: Dili rejista

40, klinika Fatumeta 42, Sentru Saúde Vera Cruz 5, Komoro 1, no distribui tuir postu administrativu  Dom Alexo 45, Kristu Rei 26, suku Komoro 34, Bekora 11 no Bidau 11 total kazu moras denge iha Dili hamutuk 88. Husi Munisípiu Bobonaru hamutuk kazu 9,  Manufahi 2 no Ermera 8.

Diretór Nasional Saúde Públiku Ministériu Saúde Pedro Canizio informa, durante fulan Dezembru 2016 no Janeiru  2017, númeru denge aumenta ba beibeik’

Parte Ministériu Saúde  moos halo ona nia kompeténsia  oinsá  redús no halo prevensaun ba moras denge.

“Forma ona  ekipa ida ne’ebé kompostu husi Ministériu relevante, ami  tuur hamutuk no sei halo asaun ruma hodi redús,” dehan  Pedro Canizio ba Jornalista iha nia knaar fatin salaun Ministériu Saúde Kaikoli Tersa horisehik.

Husi kazu denge  ne'e, barak liu bazeia ba idade no afeta ba labarik ho tinan 1 to’o tinan 4.

Iha kazu 40 ba ema ho idade tinan 5 to’o 14, iha kazu 20 ba iha ema idade tinan 25 to’o tinan 49.Ema nain 11 no ba labarik ho idade tinan 1 to’o tinan 4 hamutuk kazu 7.

Entretantu denge iha oin tolu,  primeiru  denge fever ho totál  kazu hamutuk 38.  Iha moos Denge Hemoradi Fever (DHF) ne'e hatudu ona sinál isin manas, muta no moos raan sai husi inus no ibun. Bainhira hetan ona moras DHF ita la halo tratamentu bele hakotu ema nia vida.