Items filtered by date: Tersa, 02 Juñu 2026

DILI: Parlamentu Nasionál (PN) liu-husi sesaun plenária ordinária aprova ona finál globál ba Proposta Lei nú 31/VI (3ª)-alterasaun da-huluk bá Lei nú 8/2025, loron 27 fulan novembru, Orsamentu Jerál Estadu (OJE) bá Tinan 2026 ho rezultadu votus a-favór 42 no abstensaun 23.

POLITIKA PÚBLIKA TIMOR-LESTE BAZEIA BA KRITIKA JAMES ANDERSON: ENTRE VIZAUN ESTADU, MUDANSA POLITIKA NO PROBLEMA FUNDAMENTAIS POVU.

Hakerek Na'in: Osorio Almeida, S. Sos

Reflesaun badak bazeia ba deklarasaun Primeiru-Ministru IX Governu Konstitusional Xanana Gusmão, foin lalais ba públiku katak depois tinan 24 independencia, Nasaun séi iha problema barak mak séidauk konsége resolve no balun lao dadaun. Deklarasaun ne’e persija simu nudar rekuñesimentu politika ne’ebé importante. Deklarasaun refere apenas reflesaun moral husi lider Nasional. Ne’e pasu importante atu loke espasu públiku hodi halo avaliasaun kritika no sientifika ba kualidade politika públika Timor-Leste desde restaurasaun independensia 20 Maiu 2002. Sékarik Nasaun ida eziste liu dekada rua, mas séidauk konsége resolve ka redus indeks stunting, sérvisu saúde fraku, problema Manorin, dezempregu, pobreza, inséguransa alimentar, dezenvolvimentu dezigual. Sékarik problema sira refere kontinua repete, entaun problema nia hun lolos laos limitasaun orsamentu, maibe problema sira refere refleta ba frazilidade iha vizaun, dezenã politika no koordenasaun institusional  inklui kontinuidade iha implementasun.