Husi totalidade ne'e, Komandante Tránzitu PNTL Munisípiu  Dili, Inspetór Polisia Matias da Silva relata, sira  ne'ebé kanek fatal 10, no sira seluk kanek kmaan.

Dadus ne’e PNTL Munisípiu Dili rekolla iha kapitál Dili  iha ne'ebé sesaun tránzitu halo motorizasaun iha Kapitál loroloron númeru asidente sempre aumenta.

Husi kazu hirak ne'e, iha kazu lubuk ida  maka rezolve familiár no moos iha balun ne'ebé PNTL rekomenda ona bá Ministériu públiku hodi processa.

Matias moos informa  kona ba  kazu asidente tráfiku tinan kotuk nian hamutuk 36 ne'ebé maka seidauk rezolve no pendente hela, tanba ne’e maka PNTL sei hein vítima ho suspeitu hodi rezolve lalais, bainhira  la rezolve lalais maka Polisia rasik sei entrega ba Tribunál.

Durante fulan Janeiru sesaun Tránzitu moos sulan sidadaun na'in rua hodi detein iha sela tanba lori motór la ho  karta kondusaun.

Oras ne'e daudaun kazu hirak ne’e rejistu iha lista Komandu PNTL Liu husi seksaun Tránzitu Munisípiu Dili, alende ne’e kazu balun entrega ba Ministériu Públiku hodi prosesa tuir dalan  justisa.

Komandante Seksaun Tránzitu husu ba motorista sira bainhira viajen tenki neineik, tanba asidente ne’e akontese tanba falta de kontrolu umanu. Matias hato'o lia hirak ne'e iha ba Jornalista iha Komandu PNTL Munisípiu Dili, Kuarta (01/02).