Komanadante Unidade Espesial Polisia (UEP), Superintendente Xefe Afonso dos Santos dehan, joven sira inklui Grupu Arte-marsiais no lider Poltiku sira labele provoka malu hodi kria situasaun la hakmatek.
Nia dehan, bainhira mosu situasaun ne’ebé fó aemasa ba estabilidade, UEP sei foti asaun rigorozu tuir misaun UEP nian.
“Ha’u sei la halimar ho see de’it. Bainhira see de’it mak halo la tuir lei, ha’u rasik atua ho forsa bainhira insidente ruma akontese iha terenu,” dehan Afonso ba jornalista sira iha Kampaun UEP, Bairo-Pite, Kinta (30/03).
Komandate ne’e hatete, UEP preparadu ona atu halo segurasa ba elisaun parlametar iha kualker fatin.
“Ha’u repate ba parpol sira tenke tuir regra, baihira fora de regra Unidade Espesial prontu atua kualker situasaun,” nia afirma.
Nia dehan, UEP iha ninia atuasaun la haree ba kór politiku, rasa ka suku, no la tauk atu hasoru kualker asaun konflitu iha kualker oras.
