Maiske husi Servisu Autónoma Medikamentu Ekipamentu Saúde (SAMES) seidauk halo kontajen ba ai moruk iha armazein ba fulan ne’e hodi hatene loloos stok iha ne’ebá, maibé liga ho ai moruk báziku iha HNGV sei sufisiente atu bele responde ba nesesidade tratamentu.
“Ita nia ai moruk ne’ebé iha stok mak hanesan, Paracetamol, Amoxilin, imi rona katak la iha anti-biótika, maibé ita iha,” esplika Diretora Ezekutivu Servisu Autónoma Medikamentu Ekipamentu Saúde (SAMES), Odete Maria Freitas Belo esplika ba jornalista sira, iha edifisiu Ministeriu Saúde Kaikoli Dili, horisehik.
Ai moruk hirak ne’e atu halo atendimentu ba pasiente sira durante tinan ida. Tanba orsamentu ne’ebé aloka ba SAMES hamutuk $ 5.4 miliaun hodi sosa ai moruk iha tinan 2016.
Kompañia sira ne’ebé sosa ai moruk ne’e husi nasaun Portugál, Austrália, Indonézia no Índia.
