Iha fulan kotuk Komandu PNTL Munisípiu Dili halo infrasaun ba viatura husi Apoiante kandidatura Prezidente da Repúblika ne'ebé foin lalais ne’e iha Rotunda Komoro hamutuk 199.

Segundu Komandu PNTL Munisípiu Dili, Superintendente Asistente Euclides Belo informa, oras ne’e daudaun viatura husi Apoiante sira ne'ebé maka iha fulan kotuk prende iha rotunda balun foti ona balun kontinua abandona hela iha komandu PNTL Dili. Motór sira ne’e hamutuk 50 too agora nain seidauk ba foti.

Antes ne’e seksaun tránzitu fó ona billete infrasaun ba motor nain  maibe tanba saida maka oras ne’e daudaun viatura sira ne’e kontinua budu hela iha arredores PNTL Dili nian.

Motór 50 ne’e, barak maka uza kanu resin, motór balun la uza espellu alende ne’e motór balun Sem karta kondusaun.

Bainhira motór sira ne'ebé maka para liu loron 90 komandu konsidera motór sira ne’e ilegál hotu.

Observasaun ne'ebé Diáriu ne’e haree katak viatura sira ne’e ho tipu oioin maka daudaun ne’e abandona hela iha arredores  Komandu Munisípiu Dili.