Hanesan informasaun, Ministériu Interior serbisu hamutuk ho Polisia Nasionál Timor-Leste (PNTL) monta ona CCTV 79 iha fatin públiku sira iha Kapital Dili. CCTV ne’e atu apoiu serbisu PNTL hodi identifika asaun krime ruma.

Segundo Komandante PNTL Munisipiu Dili, Superintendente Asistente Euclides Belo dehan, prezensa CCTV ne’ebé monta iha Dili kosege apoiu servisu rodaviaria hodi halo kontrollu ba motorisrta sira ne’e dala-barak kontra sinais tranzitu.

Ho prezensa CCTV ne’e, PNTL liu husi seksaun tranzitu halo ona infrasaun ba viatura lubuk ida tanba kontra regra tranzitu nian.

“Prezensa kamera CCTV apoiu pozitivu ba servisu PNTL nian hodi monitoriza situasaun sira ne’ebé akontese iha estrada píbliku,” informa Euclides ba Jornalista sira iha Komandu PNTL Munisipiu Dili, Sesta (31/3).

Prosesu monitorizasaun ba viaturas liu husi CCTV ne’e halo iha Kuartel Jeral PNTL, Kaikoli-Dili.

Husi prosesu monitorizasaun ne’e, nia dehan, PNTL Munispiu Dili investiga ona kazu lubuk ida.

Tan ne’e, Segundo Komandante ne’e apela ba motorista sira atu bainhira hala’o viajen labele koko kontra regras tranzitu.