Raan hirak nee hetan doasaun husi pessoal sira ne’ebé mai ho voluntáriu oferese sira nia raan ba HNGV.

Husi númeru ne’e, detekta moras moras 26 hanesan hepatitis no sifilis. Espesie moras sira nee maka hepatitis hamutuk 14 no sifilis 11 no fulan ne’e la detekta  HIV/SIDA.

Doasaun raan fulan ne’e voluntariu sira mai husi  F-FDTL diresaun  Componente Apoiu Servisu (CAS) relasiona loron aniversariu no mos husi Estudante Institutu Superior Cristal (ISC).

Xefe Banku Sanque HNGV Gilberto Madeira dehan  lia hirak nee ba jornalista iha Seminário Ailok Laran Sabadu (11/03).

Husi numeru ne’e raan plástiku 26 maka HNGV la uza tanba detekta moras Hepatitis no Sipilis no uza deit maka 245.

Husi raan ne’ebé detekta hepatitis no sifilis ne’e HNGV sei fó karta  ba ema ne’ebé hetan moras ne’e hodi ba halo tratamentu iha sentru saude ne’ebé besik.

Agora dadaun stok raan iha HNGV barak liu tipu ran O 50 plástiku, tipu A iha 45, tipu B 23, no tipu  AB 15.

Agora dadauk raan hirak ne’e sufisiente ba pasiente maske tipu ran B maka iha difikuldade.