Sekretáriu Estadu Konsellu Mininistru Avelino Coelho hatete, Primeiru Ministru aprezenta rezolusaun ida atu fó kontribuisaun finanseira ba organizasaun meza redonda ba Azia nian iha ámbitu projetu grup Real Madrid nian.

Ne’e atu organiza sorumutu iha fulan Maiu, Josè Ramos Horta maka sei organiza eventu ne’ebé  Konsellu Ministru aprova.

“Governu apoiu orsamentu hamutuk rihun $ 80 hanesan kontribuisaun atu  bele organiza didiak eventu ne’e no TL maka sai uma nain”, dehan Avelino ba Jornalista sira iha Palásiu Governu, Tersa (14/03).

Meja redonda ne’ebé sei organiza iha fulan Maiu hanesan diskusaun ne’ebé demoratiku ba prespektiva jerasaun foun nian fo ba mundu.

Ida ne’e la’os governu mak organiza maibè husi gabinete eis prezidente José Ramos Horta mak sei organiza.

Ministériu mos aprezenta rezolusaun governu kona ba apoiu donatismu ba reprezentasaun permanente Repúbilika Arab Saúde iha Timor atu fo tulun oituan atu bele funsiona ninia reprezentasaun  aprovadu.

Aleinde ne’e Ministeriu rua hanesan Ministeriu asuntu Ekonomia (MEKAE) ho Ministeriu Negosiu Estranjeiru no Kooperasaun (MNEK) aprezenta akordu ida kona ba  aviasaun nian  atu halo ho Australia ida ne’e aprovadu.

MNEK mos aprezenta rezolusaun ida  kandidatura Sofia Borges kargu adjuntu sekretariu estadu nian no Konsellu Ministru aprova.

MEKAE aprezenta mos proposta lei kona ba autorizasaun lezislativa izolasaun kona ba empreza sira ne’ebé bankrut oinsá maka halo  rekoperasaun no KM aprova. Miniteriu ne’e mos aprezenta tan kona ba kódigu rezistu komersiál ida ne’ebé deskute ona hetan aprova regula deit kona ba rezistu empreza nian.

Aleinde ne’e MF aprezenta tan rezolusaun governu kona ba subkriasaun audisionál kuotas ne’ebé TL tenke fo bazeia ba rezolusaun 412 konsellu administrasaun ba konstrusaun dezenvolvimentu subkriasaun atu hola tan saham iha banku para fo benefisiu ba dezenvolvimentu infraestutura iha TL.