LIKISA: Ema barak preokupa kapasidade kandidatu Armanda Berta dos Santos atu sai Xefe Estadu, maibé Lider Másimu Partidu KHUNTO, José dos Santos Naimori, laiha duvida tanba asesor sira iha Berta nia sorin hodi halo servisu.

MALIANA: Lider Másimu Partidu KHUNTO, José dos Santos Naimori Bucar, apoiu Primeiru Ministru, Taur Matan Ruak, hodi halo remodelasaun ba estrutura VIII Governu Konstituisionál.

DILI: Sekretariadu Tekniku Administrasaun Eleitoral (STAE), prepara ona sentru paralelu, ba sidadaun ne’ebé nia kartaun eleitoral munisipiu seluk nian bele vota iha Munisipiu Dili.

AINARO:Kandidatu Prezidente Repúblika 2022-2027, Lere Anan Timur deklara sei ba hamutuk ho Xanana Gusmão no Taur Matan Ruak.

DILI:Sekretariadu Tekniku Administrasaun Elitoral (STAE) no Komisaun Nasional Eleisaun, distribui ona material sensitivu no naun sensitivu, no bulletin votus ba eleisaun Presidensial ba Munisipiu 12 ho RAEOA.

Diretór Jerál STAE, Acilino Manuel Branco hateten, durante semana rua Imprensa  Nasionál Timor-Leste (INTL), konklui ona servisu imprime bulletin hanesan material sensitivu hodi realiza eleisaun presidensial iha 19 marsu.

Tanba ne’e, sabdu ohin (12/3), ofisialmente STAE hahú halo ona distrbuisaun ba Munisipiu no RAEOA hodi halo preparasaun.

“Agora ita distribui ona materiál sensitivu no naun sensitivu ba eleisaun prezidensiál ba munisípiu sira no mós ba Oé-Cusse tanba ró preparadu ona no hein atu tula. Tanba ne’e ita husu ba autoridade lokál sira tenke tau responsabilidade, nune’e materiál hirak ne’e seguru bainhira to’o Munisípiu, nune’e iha loron 19 marsu ita bele halo eleisaun,”dehan, Acilino hafoin remata serimonia distribuisaun bulletin  iha edifisiu STAE, Kaikoli, dili (11/03).

Nia esplika, bainhira  material sentitivu no naun sensitivu sira to’o iha Munisípiu, STAE hein katak situasaun seguru nafatin, nune’e iha 18 marsu STAE munisipiu sira halo serimonia hodi distribui ba iha sentru votasaun ho kuidadu no asegura to’o eleisaun presidensial remata ho di’ak.

“Bulletin votu ne’ebé ita fó fiar ba Imprensa Nasional Timor-Leste (INTL) prodús, livru hamutuk 19.462 ho totál buletin votu hamutuk  963.600,” informa nia.

Alende kona-ba transporte ne’ebé atu tula materiál eleisaun ne’e apoiu husi patrimoniu estadu, tanba ne’e  viatura Estadu hotu sei nível nasionál no munisípiu sira hamutuk viatura unidade 400 mak sei transporta bulletin hodi lori to’o ba iha sentru votasaun.

“Agora  materiál eleisaun sira ne’e transporta ba STAE munisípál sira iha territoriu laran, no tuir planu materiál hirak ita sei transporta ba kada sentru votasaun iha loron 18 marsu sei hetan seguransa masimu husi iha nia polisia,” hakotu nia.

Iha fatin hanesan, Diretór Imprensa  Nasionál Timor Leste (INTL), Jaime Correia hateten, nia parte agradese ba Governu Timor-Leste tanba fó ona konfiansa hodi imprime buletin votu ba eleisaun Prezidensiál tinan 2022.

“Iha oportunidade ida ne'e ha'u hakarak hato'o obrigadu barak ba señór Ministru, Diretor Jerál STAE, tanba fó fiar ba Imprensa Nasionál Timor Leste, tanba ami hanesan instituisaun estadu ida atu bele produs bulletin ho tempu ne’ebé limitadu, maibe  diak,” afirma nia.

Nia dehan, osan ne’ebé governu liuhusi STAE selu ba INTL sei fila ba kofre estadu, tanba INTL hanesan mos instituisaun estadu nian.

“Osan sira ne'ebé fó ba ami halo imprime ba buletin votu ne'e sei hatama fila fali ba kofre estadu, tanba ne’e ita hotu asegura buka reseitas ba ita nia estadu,” tenik nia.

Iha fatin hanesan, Prezidente Komisaun Nasionál Eleisaun, José Agostinho da Costa Belo, afirma, prosesu eleisaun atu la’o di’ak presiza iha kualidade servisu hamutuk ho parte hotu-hotu.

“Ohin tama ona prosesu buletin votu distribui ba munisípiu ne’ebé seguru no asegura ho di’ak liután to’o iha munisípiu sira ita iha seguransa hanesan PNTL munisipál sira akompaña materiál ne’e tenke ho seguru,” tenik nia.

AINARO: Potensia turizmu iha munisipiu sira iha Timor-Leste barak tebtebes maibé to’o ohin loron seidauk iha esforsu masimu husi autoridade kompetente hodi bele dezenvolve, tan ne’e bainhira hetan fiar husi kandidatu Prezidente Repúblika, Anacleto Bento Ferreira, eleitu sai Prezidente Repúblika, nia sei uza nia poder hodi influensia governu atu tau-matan ba area refere.

KOVALIMA: Kandidatu Prezidente Republika númeru 5, Anacleto Bento Ferreira hatete, bainhira nia eleitu sai Prezidente Repúblika ba periodu 2022-2027, nia sei fó prioridade ba seiór edukasaun no agrikultura.

VIKEKE: Saúde no edukasaun sai nu’udar seitór importante rua ne’ebé importante ba sidadaun sira-nia moris no futuru, tan ne’e seitór rua ne’e sei hetan mós atensaun husi kandidatu Prezidente Repúblika, Mariano Assanami Sabino, bainhira eleitu sai Prezidente Repúblika.

VIKEKE: Kandidatu Prezidente Repúblika númeru 16, Mariano Assanami Sabino, alerta ba joven hotu-hotu atu labele uza media sosial (medsos) hodi insulta malu, liu-liu insulta lider jerasaun tuan ne’ebé funda estadu ida ne’e.

VIKEKE: Durante tinan 20 nia laran, hahú husi restaurasaun independensia iha 20 Maiu 2022, jerasaun tuan mak sempre troka-malu kaer ukun no sempre hamosu konflitu interese.