Tenente Jeneral reformadu, Lere deklara ninia planu iha ambítu kampaña eleitoral, iha Munisipiu, Sabdu (12/3).

Lere ho numeru sorteiu 8 e hakarak hamutuk ho nia maun resisténsia sira, ne'ebe fiar katak sei lori futuru Timor-Leste ba di'ak liu.

”Ha’u sei ba hamutuk ho ha’u nia maun bo’ot Kay Rala Xanana Gusmão ho Taur Matan Ruak, hodi lori Timor-Leste ba oin, no luta ba povu nia moris di’ak,” Jeneral reformadu ne’e.

Maski nunee, Lere konfesa katak atu lori povu ne’e ba moris di’ak, la’os sira na’in tolu mesak, nia sei hamutuk ho lider sira seluk.

Sei hakruk ba lider sira hotu hodi hamutuk halo dialogu, hodi rezolve problema povu nian, tanba lider sira la hamutuk povu sei duvida ba sira nia moris rasik iha futuru.

Jeneral reformadu ne’e informa tan, marka diferensia lakohi impase politika maibé atu hakotu.

”Hau la’os di’ak liu lider sira hot-hotu, maibé diferente ho lider sira hotu, mak sei marka difirensa bainhira sai Prezidente Repúblika,” tenik nia.

Lere deklara, sei la lakon iha eleisaun prezidensial, bainhira lakon sei lakon ho osan, maibé se la’e sei manan tanba nia hamrik hamutuk ho povu.

Bainhira sai Prezidente Repúblika, Lere dehan dehan, sei sai simbolu unidade nasional, la sai opozisaun ba governu, sei hamutuk hare’e ba dezemvolvimentu.