Sekretariu Estadu Formasaun Profisionál no Empregu, Rogério Araújo Mendonça hatete, SEFOPE enkontru ho Embaixadadora Austrália iha Timor-Leste, Caitlin Wilson ba Programa importante  tolu atu implementa iha tinan oin mak hanesan pasific Australia Skill,  Pacific Labour Mobility Support no PALM.

Nune’e, ohin SEFOPE enkontru ho Embaixadora Austrália iha Timor-Leste importante tebes  kona-ba  Programa Apoiu  ba Mobilidade Traballadór Pasifiku nian.

Nia dehan, ho  enkontru ida ne'e Governu Austrália liu husi DFAT deskute ho Governu Timor-Leste liu husi SEFOPE  hodi ko’alia kona-ba  komité orientador  hamutuk  iha Timor-Leste  eskala-up.

“Nune'e ita atu hareee ba programa tolu  ne’ebé atu implementa tinan oin mai hodi hasai abilidade kona-ba  joven sira atu kompete ba merkadu Austrália,” Dehan Sekretáriu Estadu, Rogério ba Jornalista sira, iha PALM Spring Fatuhada, Kinta (19/03).

Nia reforsa, programa ida-ne'e joint stement husi Primeiru Ministru Austrália ho Primeiru Ministru Timor-Leste,  atu hasa'e númeru kandidatu trabalhador sira  serbisu iha Austrália  ba to’o tinan 2028 ho Trabalhador Timor-oan tenke  to’o  rihun 10.

“Oinsá Governu Timor-Leste liu husi Sekretáriu Estadu Formasaun Profisionál no Empregu hamutuk Embaixadóra Australia iha Timor-Leste ho DFAT atu prepara kondisaun  ba kandidatu Timor-oan sira,” Nia afirma.

Tuir dadus husi Sekretáriu Estadu Formasaun Profisionál no Empregu  haruka trabalhador Timor-oan hamutuk ema na'in rihun 22 ba serbisu iha Australia, maibé sira ba ma,  tanba empregador sira fó konfiansa ba sira.

“Agora domina empregador sira iha Australia hamutuk  200 mak halo rekrutamentu trabalhador Timor-oan hamutuk ema na'in rihun 22 hodi ba serbisu iha Austrália,” Nia relata.