Rezolusaun ne’e define konjuntu medida ida ba prevensaun no kontrolu ba surtu husi Conora Virus 2019-nCoV iha Timor-Leste no protesaun ba komunidade ba sidadaun timoroan ne'ebé hela iha sidade Wuhan, Provínsia Hubei, Repúblika Populár Xina.

Alende ho rezolusaun ne’e governu hasai sei atribui osan atu apoiu ba despeza no ba ekipamentu no roupa no atu evakua fatin espesífiku (fatin karantina) hodi halo diagnostika hodi prepara atu hasoru ba kazu eventuál balun, ba prevensaun kontrolu no risku da’et husi Corona Virus 2019 nCoV iha territóriu nasionál. Nune’e, suporta despeza no hasai sidadaun timoroan ne'ebé hela iha iha zona kritika, iha Xina.

Nia dehan, Ministériu Saúde iha ezersísiu fo instrusaun ba servisu iha aprovizionamentu ba akizasaun ekipamentu urjente hanesan mediasaun temperatura korporál (ekipamentu ne'ebé bele koko temperatura isin manas) no ba ekipamentu protesaun individuál, ba reforsa husi kontrolu no identifikasaun husi kazu suspeitu iha postu pasajen fronteira.