Diretór Judisial System Monitoring Program (JSMP) Luis Sampaio de Oliveira konsidera Lei Violensia hanesan instrumentu ida pelumenus Estadu iha mekanizmu atu trata krime sira ne’e bainhira akontese. Nia dehan,  ne’e la signifika iha Lei laiha ona violensia maibé ida ne’e forma ida husi responsabilidade estadu nian atu interven bainhira ema ruma sai vitima ba kazu krimi ruma inkliu kazu violensia domestika.

“ Ita halo komparasaun lei kona ba omisidu bandu ema atu oho ema maibé nafatin iha no kona ba ema naok ka korupsaun ne’e mos ema kontinua naok no kontinua halo korupsaun, ne’e atu ita prevene de’it,”dehan Luis ba INDENPENDENTE iha nia knaar fatin Kolmera Sesta (10/3).

Nia dehan, laiha lei ne’e pior liu tan tanba sira sai vitima tiha ona laiha dalan ka mekanismu ruma atu proteze vitima.

Tanba bainhira iha lei violensia domestika ne’e fó responsabilidade ba iha instituisaun relevante,  ba krime nian tuir dalan investigasaun, tuir dalan criminal, iha apoiu nesesidade sosial ruma no hetan apoiu husi MSS.

Husi nee parte  seguransa hanesan  polisia tenke proteze vitima sira, uma mahon no fatin ne’ebe tuir lei ne’e indika atu proteze vitima sira  ne’ebe nia konkluzaun katak laiha lei la signifika problema hotu rezolve maibé iha meius atu trata asuntu ne’e bainhira akontese iha sosiedade.