Segunda, 01 Juñu 2020 | Login
Koligasaun foun lidera husi Kay Rala Xanana Gusmao. Koligasaun foun lidera husi Kay Rala Xanana Gusmao.

Xanana sei Lori Aliadu Sira ba EA Featured

DILI:Presidente partidu CNRT, Kay Rala Xanana Gusmão bolu partidu sira, hanesan Partidu Demokratiku, KHUNTO, PUDD, UDT, FM hodi forma koligasaun ho intensaun lori aliadu sira ne’e ba Eleisaun Antesipada (EA).

“Nono Governu dalan sei badak no sei rahun fali tanba intensaun Xanana nian laos atu hein to'o 2023 maibé atu provoka de’it krize ba eleisaun antesipada,"dehan Alkatiri,iha abertura diskursu IV Konferensia Nasional FRETILIN, iha salaun Paroquial Igreja Katedral, Villa Verde, Sabado (14/03).

Ho intensaun Xanana bolu lalais partidu sira, hodi taka dalan ba partidu sira seluk forma Governu foun ho maioria parlamentar la inklui partidu CNRT, tanba Xanana rasik deklara ona ba públiku katak lakohi forma Governu foun no dalan úniku mak ba Eleisaun Antesipada atu bele rejolve empase politika ne’e.

Eis Primeiru Ministru Alkatiri dehan, partidu politiku sira ne'ebé la'o hamutuk ho Xanana boa sorte, tanba ne'e fó lia menon ikus, hori uluk, hori wain maubere aswain.

Molok ne’e, Xanana mós deklara ona liu husi grande intrevista GMN katak CNRT sei la involve iha koligasaun hodi forma Governu. CNRT hakarak ba eleisaun antesipada mak dalan úniku rejolve empase politika ne’e.

Tanba eis Presidente ne’e hatete, inposivel Presidente Repúblika atu fó fali posse ba lista kandidatu CNRT ne’ebé pendente.

Read 812 times Last modified on Sábadu, 14 Marsu 2020 21:22
Rate this item
(0 votes)

About Author