Husi totál númeru ne’e ema na'in 271 kanek todan, no kanek Kaman ema na'in 1.553.
“Iha tinan kotuk ita rejistu asidente hamutuk 1.741 no rezulta ema na'in 71 mak mate,” dehan Júlio liu hosi diskursu iha serimónia aniversáriu PNTL dala 17, iha Sentru Formasaun Polísia Komoro, Segunda (27/3).
Kazu sira ne'ebé ho númeru aas maka iha kapitál Dili, tanba movimentu transporte nivel sirkulasaun aas kompara ho munisípiu seluk ne'ebé númeru menus.
PNTL kontinua halo sosializasaun ba estudante sira kona ba servisu rodaviaria hodi nune’e estudante sira komprende kona ba regra tránzitu.
Kona ba infrasaun 11.398 hosi infratór sira ne’e 10.756 ba selu ona koima iha Banku Nasionál Ultramarinu (BNU) ho totál Rihun $ 323, 960, valór ida sa'e makas kompara ho tinan 2015.
Kompara ho tinan 2015 númeru asidente tráfegu menus tebes, maibé iha 2016 númeru ne’e aas tebes ida ne’e sai preokupasaun boot ba timoroan tomak.
Durante tinan 2016 PNTL halo operasaun 448 ba kontrolu sirkulasaun tránzitu hodi pasa revista ba karreta no motorizada privadu ho estadu nian.
Detein ema ne'ebé ligadu ba artemarsiais no kazu rama Ambon, servisu hirak ne’e barak mak hala'o iha Dili.
