“Balun hetan moras ne’e muda sira nia hela fatin, hanesan pesoál saúde balun identifika katak ema ne’e hela iha Bekora maibé realidade muda ba hela fali iha munisípiu. Sira ne’e lakon tratamentu”, dehan diretór prevensaun no edukasaun CNCS-TL Atanásio de Jesus bainhira halo sosializasaun iha eskola Tékniku Vokasionál 28 Novembru Bekora, Kinta horisehik.
Agora daudaun iha diresaun ida ne’ebé toma konta oinsá buka tuir pesoál hirak ne’e atu hetan tratamentu maka ONG Strela,ONG esperansa, Caritas Diocese Dili no Ministériu Saúde.
Iha fatin hanesan diretór Global Organization of Parlamentarian Against Corruption (GOPAC) Joaõ Correia hateten, GOPAC hanesan instituisaun naun Governamentál ho nia servisu prinsipál maka halo sensibilizasaun kona ba kombate korrupsaun no promosaun boa governasaun.
Buat ne’ebé GOPAC halo maka tun ba iha ema nia leet liu husi halo sosializasaun kona ba moras HIV/SIDA liu husi fahe informasaun ba iha eskola Sekundária no Vokasionál sira iha munisípiu no Dili.
Tanba ne’e kooperasaun entre GOPAC ho CNCS-TL ho orientasaun hadi'a jerasaun iha futuru liu husi prevensaun virus ne’e.
