Diretór eskola Charles Fátima Guterres hatete, iha fulan kotuk realiza enkontru ida iha Ótel Ramelau ho COICA.
Husi enkontru ne’e iha ona sinál katak, tempu badak COICA iha posiblidade fó apoiu ba eskola ne’e.
Maibé, diretór ne’e rasik mos dehan husi parte COICA seidauk fo serteza maibe sira nia tarzeitu tuir mai ne’e atu halo rehabilitasaun ba eskola ne’e tanba hare ba númeru formandu maioria feto, liga ba programa UNESCO nian atu focus liu ba dezenvolvimentu feto.
“Ita hare husi parte insfraturtura eskola ne’e tempu Indonesia nia to’o agora seidauk hetan rehabilitasaun husi estadu,”dehan Charles ba Jornalista iha nia knaar fatin Bekora, Tersa (07/03).
Kona ba prosesu aprendizajen, atualmente la’o di’ak tebes no ekipamentus hanesan meza, kadeira no livru sufisiente.
Charles esplika kona ba futuru eskola nee katak, eskola ne’e sai tarjetu ba dezenvolvimentu ba feto iha programa UNESCO nian no feto maioria 88 % iha departamentu hat (4).
Departementu 4 nee kompostu husi departamentu Beleza, hotelaria, turizmu no mos departamentu kulinária.
Eskola ne’e nia teoria hanesan eskola sekundária sira seluk maibé foka liu ba iha prátika.
