Durante ne’e UPM sira hala’o  knaar hodi asegura rikusoin iha tasi Timor maibé la iha kondisaun atu bele halo patrulamentu.

PN husu tanba Foin lalais ne’e UPM halo patrulamentu iha tasi Timor parte Alor no Kisar,  peskadór illegal Ró rua tama iha área nebá no UPM konsege duni tuir maibé la kaer no koko atu tiru ameasa maibé kilat AK 33 avaria.

Deputadu César Valente triste no preokupa tebes ho situasaun ne’e hodi ejije ba governu atu bele responde, nune’e bele kria kondisaun ba UPM sira atu  bele hala’o  knaar iha tasi laran ho diak.

Tinan kotuk husi Komisaun B ne’ebé  trata asuntu Defeza Seguransa Negósiu Estranjeiru ba halo fiskalizasaun iha Postu UPM parte Com Lospalos, iha ne'ebá sira informa katak problema armamentu mak la sufisiente.

Tanba ne’e Komisaun hatama ona relatóriu ba governu ezije atu sosa arma maibé too agora laiha progresu.

 “Ami nia relatóriu hatama ona ba governu, maibé to’o agora seidauk hatene governu hare ka lae”, dehan  deputadu César Valente iha PN horisehik.

Too oras ne'e UPM sei kontinua uza arma tuan ne’ebé iha tinan 2006 governu Malázia mak foo apoiu no agora la iha ona kondisaun.

Nia husu ba governu atu bele hare kestaun ne'e ho sériu hodi aloka osan atubele sosa ró di'ak ruma no mós armas ne’ebé iha kualidade tanba servisu UPM ne'e iha área tasi laran la hanesan ho sira ne’ebé  servisu iha rai maran.

To notisia nee publika, diáriu nee seidauk halo konfirmasaun ho Instituisaun relevante.