“Ami entrega ona osan merenda eskolár no foos ita sei supply nafatin, servisu hamutuk ho MCIA”, dehan diretór Jerál ME António Pires ba jornalista iha nia knaar fatin Vila Verde, Kuarta (08/03).
Kona ba jestaun osan, menú ba merenda eskolár, prezidente autoridade munisipál maka jere kabe ba ME atu bele halo akompañamentu, fó mós kapasitasaun ba nia elementus iha munsípiu ho administradór nia estrutura ne’ebé monta, mai iha diretór administrasaun finansas atu jere osan ne’e oinsá bele uza to’o iha eskola hotu.
Tuir loloos, prosessu aprendijazen hahú, merenda eskolár mós la’o maibé to’o agora merenda eskolár seidauk la’o tanba ne’e, kalku loloos katak, kuaze fulan ida ne’e la’o ona.
Bainhira labarik sira loron ida la hetan merenda eskolár, maka osan loron ida nian ne’e sei fila mai iha kofre estadu.
Tanba ne’e, ME kalkula loloos kuaze $ 200 Mill maka labele gasta ona, no tenke devolve ba kofre estadu.
Posibilidade sira bele halo mudansa ba merenda eskolár maibé tenke halo prosesu naruk ida hodi hetan fali aprovasaun husi Ministeriu Financas (MF) no Konsellu Ministru (KM) hafoin bele halo mudansa.
