Lere dehan dadaun situasaun iha teritoriu laran tomak kontroladu.
“Ate a data situasaun diak hela, agora ita hein deit eleisaun no ba eleisaun jerál mak partidu barak ho kadeira barak maibé hau hanoin katak ita mesak Timor-oan deit, ita konfia situasaun lao diak,” dehan nia hafoin sorumutu ho PR Taur iha palasiu Presidensial-Aitarak-Laran-Dili,horisehik.
Nia informa, Prezidente Republika atu Defesa no Seguransa hametin no asegura Kamapaña eleitorál to’o eleisaun Prezidensial no eleisaun Jerál ba periodu 2017-2022.
“Ami iha disputa iha terenu hanesan iha parte sul, parte norte, ami komando operasional iha klaran situasaun diak hela, situasaun oituan-oituan, hanesan iha Rai Kotu,” dehan Lere.
Iha loron hanesan, Ministru Interior Longuinhos Monteiro ho Ministru Defeza (MD) Cirilo Cristovão informa situasaun rai laran ba Xefe Estadu Taur Matan Ruak.
Nia dehan, Xefe Estadu hakarak rona PNTL nia estratejia halo konfigura modalidade atu asegura ba kampaña eleitoral to’o eleisaun prezidensial no eleisaun Parlamentar.
Nia haktuir, PM Rui Maria de Araújo hatun ona despaixu ba Ministeriu Interior hodi bele Polisia Nasional Timor Leste (PNTL) ho Komisaun Nasional Eleisões (CNE) atu hare kestaun seguransa nian ho direitu ema nia iha públiku atu mantein nafatin disipliña iha kampaña eleisaun.
Iha fatin ketak, Prezidente Komisaun B, David Dias Ximenes’Mandati’ husu PNTL tenke matan moris neon nain hodi haree ba situasaun hodi fó siguransa preventiva iha tempu kampaña no eleisaun prezidensisal no elisaun Parlamentar.
Nia husu Polisia atu haloona survey ba fatin risku no potensial mosu violensia atu emalabele provoka sitiasaun iha prosesu demokratika TL.
