Kandidatu PR ho númeru Sorteiu Ualu (8)ne’e ho  Visuan mak Timor Leste nasaun ida ba Timor oan tomak ,nia riku soin tenki benefisia ba nia emar tomak katak ba sura ohin loron nian no mos ba sira aban bairua nian.

Ho misaun mak haforsa knar instituisaun estadu atu servisu hamutuk ba interese nasionál, hametin unidade nasional defende soberania nasaun, promove moris justu no hakmatek,no halao dezenvolvimentu Nasionál hodi lori moris diak ba timor oan.

Politika no Programa Kandidatura PR ‘Kalohan’ ba periode tinan lima

Kandidatura husi Partidu Demokratiku  ne’e iha mehi hakarak halo  projeita ba Timor Leste ba dook nian  atu TL sai nasaun ida ba Timor oan tomak  signifika katak nia riku soin tenke benefisia ba nia ema tomak no ba jerasaun ida agora no mos jerasaun ida tuir mai atu  rikusoin hotu labele ba de’it grupu ida.

Proteje Sidadaun hotu nia direitu ba  intensaun ida atu hametin unidade nasional no haforsa instituisaun estadu nian atu servisu  hamutuk ba interese nasional atu instituisaun labele servisu ketak-ketak hodi defende interese nasional no defende soberania nasional promove moris justu hakmatek  no halao dezenvolvementu nasional ba Timor ona tomak.

“Ha’u hakarak sai Prezidente ida ne’ebé maka atu sai lian ba  sira kbiit laek.Ita tenke hadia sira nia ejizensia maske ita nia kapasidade nato’on maibe ita bele.”dehan nia  ba INDEPENDENTE iha Edefisiu ME,Sesta (17/02).

Kandidatura PR  ne’e hateten, Programa  perioridade mak tenke fó konfiasa ida ba reforsa funsionamentu  kapasidade instituisaun Parlamentu Nasionál  atu halo nia kna’ar   hodi reprezentante povu labele koalia fali buat seluk no grupu ida nian  mas tenke koalia vida moris povu nian.

Hare mos kestaun seguransa rai laran nian liliu hamosu dialogu bebeik Defesa (F-FDTL)  ho Seguransa (PNTL) atu halo kna’ar ho professional asegura povu no nasaun TL.

Reforsa kapasidade institusaun justisa no fiar ba desisaun judisiariu no husu atu interpreta lei ho professional laos uza sistema odiu Vinganja no labele hatama politika ba sistema justisa  atu promove sosiedade ne’ebé edukativu,sosiedade siviku no sosiedade ne’ebé maka tolerante.

Ba Setor Edukasaun, nia dehan, advokasia makas  no akompanamentu  ho Governu atu fó periorioridade ba Setor Edukasaun atu bele muda sosiedade nian hahalok liu husi forma edukasaun tekniku professional   atu hasai kapasidade iha area tekniku hodi eskola hotu hetan kedan kampu traballu.

Setor Agrikultura kandidatura númeru sorteiu ualu ne’e dehan, reforsa agrikultura ho uza modelu agrikultura ne’ebé organizadu no estrutura hodi bele  sai hanesan kampu servisu  no kria merkadu hodi povu agrikultura bele lori nia produtu  ba merkaduria nasionál no internasionál .

Nia afirma, Setor  Saúde  importante vital ida atu defende liu husi halo melloramentu prestasaun servisu iha ospitais sira no mos klinika sira no instituisaun  Ministeriu Saúde labele politizadu.

 Antonio akresenta, Seitor Infra-estruktura importante tebes ne’ebé durante ne’ebé governu aposta hela hodi kada tinan aloka  hela osan fundu dezenvolvementu  infra-estrutura.

Kria unidade espesifiku halo monitorizasaun  besik ba implementasaun ba projetu no halo relatoriu tanba  infra-estrutura rurais  hanesan be’e moos importante bainhira bee laiha ema bele mate no moras oioin bele kona ne’ebé sei halo advokasia makas ba  governu  fó perioridade ba sistena be’e moos iha area rural.

Ho Programa hirak ne’e, Kandidatura Prezidente Republika husi Partidu Demokratiku (PD) optimista atu manan iha eleisuan no tama ba segundu ronde.

“Ho esperensia no matenke ne’ebé hau iha alternative ida bele kompete ho maun Lu-olo. Maun Lu-olo manan iha  primeiru ronde ha’u sei la fiar karik  ne’e iha “main curan”maibé ba segundu ronde ha’u sei menan iha eleisaun segundu ronde,”dehan nia.

Tanba ne’e, nia husu ba kandidatura nain hitu atu kontinua kria estabilidade ,pas  no unidade Nasionál iha tempu kampaña no ba militantes no apoiantes atu labele kria violensia bainhira kandudatura ida la manan.

“Ha’u pesoalmente  promote  sei halo kampania ida ne’ebé la insulta ema no hodi hatete at ema maibé ha’u sei nafatin kolia ha’u nia kampania hanesan ema edukasaun ida hodi dehan atu fó