×

Atenção

JUser: :_load: Não foi possível carregar usuário com ID: 419

JUser: :_load: Não foi possível carregar usuário com ID: 425

JUser: :_load: Não foi possível carregar usuário com ID: 422

Kandidata An ba PR, Embaixadora Brunei Kongratula Lu-Olo

By Fevereiru 15, 2017 1616
Kandidatu Prezidente Republika Periodu 2017-2022, Fransisco Guterres (Lu-Olo) Kandidatu Prezidente Republika Periodu 2017-2022, Fransisco Guterres (Lu-Olo)

DILI: Reprezentante nasaun amigu iha Timor-Leste kongratula Prezidente Partidu FRETILIN, Francisco Guterres ‘Lu-Olo’ ne’ebé kandidata an fila fali hodi kompete iha eleisaun Prezidensial ba periodu 2017-2022.

Brunei Darusalam liu husi ninia Embaixadora, Norazlianah H. Ibrahim hasoru malu ho Kandidatu PR Lú-Olo hodi hato’o nia kongratulasaun no kompromete atu kontinua fó apoiu ba TL.

Embaixadora Norazlianah hatete, Burnei iha komitmentu nafatin atu halo kooperasaun di’ak ho TL.

“Ita buka atu halo kooperasaun iha area kapasitasaun rekrusu umanu, edukasaun no turizmu,” dehan Norazlianah hafoin enkontru ho Lu-Olo iha Sede Kampaña Kandidatu FRETILIN ne’e, iha Aimutin, Tersa (14/02).

TL ho Burnei Darusalem, Norazlianah dehan, halo relasaun di’ak dezde 2002, tanba ne’e ba futuru sei hametin di’ak liutan relasaun no komitmentu sira ne’ebé iha.

Iha fatin hanesan, Lu-Olo dehan, Brunei promete apoiu Timor-Leste atu bele sai membru ASEAN.

Kona-ba kooperasaun ne’ebé Brunei hala’o ho TL, Lu-Olo hatete, nasaun ne’e hala’o kooperasaun iha area administrasaun publika, agrikultura, peskas, edukasaun no ekoturismu.

“Edukasaun importante, liu husi edukasaun no promove kultura idaidak nian hodi sai intregasaun ida di’ak iha ASEAN hodi ita kuñese malu di’ak liutan,” dehan nia.

Entretantu, kona-ba prepara TL sai membru ASEAN, Lu-Olo hatete TL hadi’a uluk ninia an nune’e bele kompete ho nasaun sira seluk iha ASEAN.

“Primeiru de tudo ita tenke aruma uluk ita-nia uma-laran, ita tenke dezenvolve di’ak liutan ita-nia administrasaun públika, ita tenke harii didi’ak ita-nia edukasaun ida forte no kualidade di’ak,” katak nia.

Rate this item
(0 votes)

Independente Digital TV