Sexta, 06 Dezembru 2019 | Login
Polisia prende motor ne'ebe halo pawai ba kandidatu PR Lu-Olo Polisia prende motor ne'ebe halo pawai ba kandidatu PR Lu-Olo

Presiza Sosializa Polítika Tarefa ‘Parkir’ Featured

DILI: Polítika governu nian hodi implementa selu tarefa estasionamentu presiza iha sosializasaun, nune’e bainhira implementa la hamosu konfuzaun ba sosiedade sira.

Observadór Polítika Universidade Nasionál Timor Lorosa’e (UNTL), Camilo Ximenes hateten, presiza sosializasaun ida ba ema hotu atu halo ema labele konfunde ho lei ne’e rasik.

“Kualkér lei ne'ebé sira hamosu ne’e presiza halo sosializasaun,” dehan nia, iha ninia knaar fatin, Kampus ‘Mean’ Kaikoli-Dili, horisehik.

Nia hatutan, bainhira sosializasaun ne'ebé di'ak ema bele kompriende di'ak lei ne'ebé hatún no bele iha hanoin atu kontribui. Maibé, kuandu derrepente de'it, halo lei laiha sosializasaun bele mós akontese problema komunidade ho ekipa ne'ebé toma konta ba ida ne’e.

Camilo dehan, kuandu lei ne’e mak sira implementa ona, maibé la halo sosializasaun ruma ninia impaktu ne’e maka’as tebes.

Tanba ne’e, lei ne'ebé sira produs presiza tempu entre fulan ida to’o tolu ba leten hodi ema sira ne’e iha konxiénsia morál hodi bele fó sira nia kontribuisaun.

Kestaun ida seluk, Camilo dehan, ema sira bele kontribui ona ba ida ne’e maibé ninia atendementu ba ida ne’e oinsá.

Ne’e duni, kuandu tau ona lei ida atu halo hanesan ne’e, tenke define ka mensiona ninia regulamentu ka regra ruma.

“Se mak bele halo seguransa ba iha karreta no motór sira ne'ebé para iha ne’ebá, entaun ba iha ne’ebá se mak halo seguransa”, tenik nia.

Dala ruma, ema nia motór ka karreta ruma para iha ne'ebá ema na’ok ka aat ruma iha fatin ne’e sé mak atu responsabiliza ba ida ne’e.

Iha fatin ketak, komunidade Suku Komoro, Clementino Martins sente preokupadu ho polítika Governu nian ne'ebé atu selu taxa ba para fatin motorizada sira.

Tan ne’e, Komunidade husu ba ministériu kompetente presiza halo sosializasaun ruma atu bele implementa lei ne’e, tanba povu balun laiha kbiit atu selu oras ida to’o $0.75.

Entretantu, Estudante Miguel Pacheco hateten, Governu sira bainhira atu implementa sira nia planu ne’e tenke tetu uluk lai.

Importante liu tenke iha sosializasaun labele implementa polítika ne’e derrepente tanba bele hamosu konfuzaun no problema foun iha terrenu. 

Read 639 times
Rate this item
(0 votes)

About Author

MidAd1