Molok ne’e Prezidente Autoridade Munisipiu Dili, Gapar Soares hatete deskonfia mosu atividade prostituisaun iha Merkadu Taibesi.

“Ita halo observasaun ba merkadu Taibesi, maibé laiha faktus ruma katak negosiante sira utuliza merkadu sai fatin prostitutu,” deklara Segundo Komandante Jeral PNTL, Komisariu Faustino da Costa ba Jornalista sira iha Kuartel PNTL, Kaikoli-Dili, Segunda (6/2).

Durante ne’e, nia dehan, Serbisu Informasaun PNTL tuun ba terenu hodi halibur informasaun maibé la hetan dadus ruma.

Maske la hetan dadus, maibé Komisariu ne’e dehan, tanba Prezidente Autoridade Munisipiu Dili mak hasai informasaun signifika karik iha ema balun mak halo duni pratika ne’e.

Tan ne’e, nia dehan, Komando kontinua orienta ninia membru sira hodi halo monitorizasaun ba atividade sira iha merkadu Taibessi.

“Ita kontinua halo monitorizasaun ba merkadu refere hodi buka tuir boatus ne’e,” katak Faustino.