Deputadu Paulino Monteiro husu ba instituisaun estadu no KFP  tenke kontrola nia funsionariu sira atu evita abandona servisu estadu ba halo fali aktividade partidu politiku ba interese privadu.

Tuir lei KFP, nia dehan, bandu funsionariu Públiku abandona servisu estadu ba halo akatividade privadu no partidu Politiku nia.

Reprezentante Povu ne’e informa, besik tempu kampañia politika funsionariu públiku balun hahú abandona servisu hodi ba halo aktividade partidu politiku.

 “Ita nia KFP tenke hare didiak bainhira funsionariu sira   komete erus hanesan ne’e tenke halo investigasaun bazeia ba lei funsaun publiku nian hodi fó sansaun,”Dehan nia iha Plenaria PN,horisehik.

Razun investiga, Paulino dehan, funsionariu Públiku sira ne’e simu osan estadu atu servipovu no nasaun.

Aleinde ne’e, nia husu ba Komisaun Anti Korupsaun atu halo akompañamentu ba prosesu eleisaun parlamentar no presidensiál hodi evita mal-utiliza ba patrimoniu estadu ba halao aktividade partidu politika.

Antes ne’e , Vise Ministra Edukasaun Dulce de Jesus Soares hatete,ME sei kordena ho partidu politiku sira atu  minimiza estudante ho minoridade no funsionariu sira atu labele halo aktividade partidu iha oras servisu.

“Labarik estudante sira ho minoridade la iha direitu atu ba vota so iha direitu hodi estuda,”dehan nia.