“LN seidauk iha mákina atu halo teste entaun haruka ba Jakarta hodi hatene ninia kualidade sei di’ak ka lae,”dehan Diretor Toxicológia, Análise da Agua e Ambiente (DTAAA-LN) Pedro Almeida da Silva ba jornalista iha ninia knaar fatin HNGV Bidau, Kinta (02/02).
Uluk iha kazu ida kona bá kondisaun aimoruk ne’ebé ladún di’ak, tanba doutór sira lakohi fó risku ba ema ne’ebé konsumu entaun sira foti sampel aimoruk sarope hamutuk 920. Sira haruka mai SAMES no haruka fali mai Laboratóriu Nasionál (LN).
Sampel sarope ne’e haruka ba tiha ona Jakarta ho ninia bat hamutuk 23, nune’e agora sei iha hela prosesu teste nia laran, nune’e parte DTAAA-LN sei hein bainhira rejultadu ne’e mai maka bainhira sei diak entaun bele utiliza ba nesesidade pasiente.
Maske nune’e husi Ministeriu Saúde rasik iha ona planu atu sosa mákina teste Atomic Absorption Spectrophotometer (AAS) no High Performance Chromatography (HPLC).
Pedro mos diskonfia aimoruk sarope ne’e ninia kondisaun ba fatin ne’e maka laduun diak, tanba ne’e ninia kompozisaun laduun diak ona para bele konsumu.
Oras nee dadaun aimoruk refere ho kuantidade ne’ebé barak entaun presija teste maka bele distribui ba pasiente sira maibé kuandu át ona sei lori ba Tibar.
