Sexta, 28 Fevereiru 2020 | Login
Bandeira Estadu Unidus Amerika Bandeira Estadu Unidus Amerika

EUA Gaba Konsiliasaun no Rekonsiliasaun TL Featured

DILI: Estadus Unidus Amérika (EUA) gaba rekonsiliasaun Timor Leste ho Indonézia no mós kongratula ba konsiliasaun delimitasaun fronteira marítima ho Governu Austrália, ne’ebé sai hanesan modelu globál ba nasaun.

Hafoin funu durante tinan 24 Timor-Leste ho Indonézia kria rekonsiliasaun atu povu rai rua ne’e moris ho ambiente pás no dame nia laran, hodi lalika haree ba pasadu luta libertasaun ukun rasik aan.

Kestaun fronteira marítima Timor-Leste ho Austrália kria konsiliasaun ne’e la’o ho amizade hodi rezolve delimitasaun fronteira marítima liu husi dalan negosiasaun.

Ofisial Senior Estadu Unidus Amérika ba Vise Sekretáriu Adjuntu Gabinete Asuntu Ázia Leste no Pasífiku, W. Patrick Murphy hateten, Estadu Unidus laiha papél espesiál atu ko'alia ba asuntu disputa fronteira marítima entre Timor-Leste ho Austrália, tanba respeita prosesu tomak ne’ebé agora daudaun la’o iha konsiliasaun bazeia ba lei internasionál ninian.

Nia dehan, Amérika haksolok tebes tanba disputa ne’e envolve nasaun viziñu rua entre nasaun boot no ki’ik, maibé prosesu la'o di'ak tebes ho amizade nia laran.

“Ita boot (TL) sira nia prosesu konsiliasaun ne’e sai modelu globál no interesante atu nasaun hotu-hotu bele uza hodi rezolve disputa liu husi dalan amizade”, dehan nia iha embaixada Amérika, Praia kokeirus-Dili, horisehik.

Nia dehan, espera disputa delimitasaun fronteira marítima ne’e ofisial rai rua ne’e sei rezolve tuir lei internasionál.

“Ita boot sira (TL) nia rekonsiliasaun sai modelu globál ida ba nasaun hotu-hotu”, dehan nia.

Kona-ba rekonsiliasaun ne’ebé Timor-Leste kria ho Estadu Indonézia, nia konsidera sai modelu globál no inspira nasaun hotu atu kria pás no dame kontribui ba prosperidade no moris di'ak ba povu nia.  

Read 757 times
Rate this item
(1 Vote)

About Author

MidAd1