Sexta, 24 Janeiru 2020 | Login
Deputadu sira Deputadu sira

Deputadu Presiza Estuda Étika Polítika Featured

DILI: Reprezentante povu iha Uma Fukun Parlamentu Nasionál presiza aprende siénsia polítika, bainhira iha prosesu diskusaun plenária tenke hatudu komunikasaun di'ak ba povu iha Timor-Leste.

Diretór Ezekutivu JSMP, Luis Oliveira Sampãio hateten, reprezentante povu sira ne’ebé iha Uma Fukun PN la merese hasai liafuan insulta malu, tanba ne’e fatin atu atu debate ho ko'alia asuntu polítiku ne’ebé ligadu ho povu ho Estadu nia ezijénsia.

Bainhira deputadu sira mak preokupa istória no insultu malu de'it, di'ak liu aprende lai polítika konsensu polítika no mós atu halo komunikasaun presiza ho linguajen polítika.

“Bainhira ita nia deputadu sira gasta enerjia hakarak insulta malu, sei la rezolve problema nasaun nian”, dehan Luis, iha knaar fatin, Kolmera-Dili, horisehik.

Nia dehan, diskute malu la’ós iha fatin PN, tanba ema la’ós polítika na'in mós bele diskute malu iha fatin públiku sira, tanba PN fatin atu rezolve destinu povu no nasaun.

Tuir observasaun JSPM, durante plenária, deputadu sira sempre baku meza, hakilar no kee sai istória pasadu. Ho atitude sira ne’e naran mak reprezentante povu, maibé seidauk iha konxiénsia polítika ne’ebé maduru.

Tuir sira, bainhira polítiku sira mak moris inserteza, hodi lori nasaun ne’e ba impase polítika, nune’e fasil tebes ba nasaun rai li'ur utiliza timoroan hodi hamosu krize polítika iha nasaun laran.

Tanba ne’e, JSMP hakarak sujere ba ukun nain sira tenke konsentra hamutuk hodi sé liman ba malu lori destinu povu ho nasaun ba dezenvolvimentu ne’ebé dignu.  

Read 4401 times
Rate this item
(0 votes)
MidAd1