Sábadu, 18 Janeiru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-01-17&metrics=ga%3Avisits&dimensions=ga%3Ayear&start-index=1&max-results=1000: (403) Quota exceeded for quota group 'default' and limit 'Queries per day' of service 'analytics.googleapis.com' for consumer 'project_number:402577812915'.

DILI: Parlamentu Nasionál (PN) liu husi votasaun sekretu deside hasai imunidade ba deputadu Bankada Kongresu Nasionál Rekonstrusaun Timor Leste (CNRT) Leandro Lobato  atu ba hataan kazu deskonfia baku ema iha Likisá iha tinan 2017.

Published in Nasional

DILI: Iha dalan rua ba Parlamentu Nasionál atu bele responde desizaun veta Prezidente Repúblika ba Orsamentu Jerál Estadu (OJE) tinan fiskál 2019 nian.

Dalan ne’e maka halo reapresiasaun ka emenda hodi altera orsamentu hirak ne'ebé Xefe Estadu preokupa, maibé Parlamentu Nasionál hili dalan reapresia hodi konfirma votu ho ‘versaun’ Lei Atividade Petrolíferu (LAP).

Versaun ne’e Parlamentu Nasionál implementa ona bainhira Prezidente Repúblika veta LAP, ne’ebé konsege halo reapresiasaun ho prezensa deputadu na’in 42.

Tuir interpretasaun Prezidente Parlamentu Nasionál, Arão Noe de Jesus, Konstituisaun artigu 88 númeru 3 no artigu 95 númeru 3 ejize 2/3 deputadu prezente. Husi ne’e mak sei hamosu rezultadu votasaun maioria 33+1, maibé kuandu liu ida ne’e sei maioria absoluta.

Published in Nasional

DILI: Parlamentu Nasionál ()PN diskute ona ninia orsamentu privativu ba tinan 2019. Iha diskusaun ne’e partidu opozisaun FRETILIN aprezenta proposta alterasaun hodi hasai osan ba sosa karreta foun ba deputadu sira, maibé meza la simu tanba konsidera proposta hatama tarde.

Published in Nasional

DILI: Parlamentu Nasionál PN liu husi Komisaun Permanente prontu atu konvoka plenária estraordinária hodi retifikasaun akordu fronteira marítima ne’ebé Timor-Leste no Austrália asina ona, iha loron 6 Marsu, liubá.

Published in Mundu
Sexta, 15 Dezembru 2017 09:27

Parlamentu Nasionál Hetan Terrór

DILI: Durante loron hirak nia laran Parlamentu Nasionál (PN) hetan ‘terrór’ husi ema estrañu partidu balun nian. Ema hirak ne’e identifika tama-sai resintu Uma Fukun, nune’e hamosu situasaun instavel. 

Published in Nasional

DILI:Governu planeia ona atu aprezenta Orsamentu Retifikativu ba Parlamentu Nasionál (PN), Kinta (9/11), horisehik, maibé Órgaun Lejizlativu ne’e seidauk simu proposta OR husi VII Governu.

Tuir informasaun aprezentasaun ne’e adia tanba Primeiru Ministru, Mari Alkatiri seidauk asina proposta Orsamentu Retifikativu ne’e.

Published in Nasional

DILI: Parlamentu Nasionál (PN) Segunda (16/10), ohin, hahú loke plenária ba diskusaun Programa VII Governu. Debate ne’e rasik tuir lei sei hala'o durante loron lima nia laran ka to’o Sesta (20/10).

Portavós Prezidente Parlamentu Nasionál, Lídia Ana Belo hatete, antes ne’e Governu liu husi Konsellu Ministru entrega direita programa ba Prezidente Parlamentu hodi distribui ba kada bankada parlamentár hodi halo leitura.

Tuir giaun Parlamentu Nasionál, programa entrega ba kada bankada hodi halo leitura durante loron lima, nune’e kontinua ho diskusaun iha loron lima.

Liu husi diskusaun demokratikamente ne’e, deputadu ida-idak liu husi nia bankada atu bele fó sira nia pareser ba Programa VII Governu nian hodi bele halo diskusaun no votasaun iha plenária.

Antes ne’e, Prezidente Bankada Partidu Libertasaun Populár (PLP), Fidelis Magalhães hatete, Programa VII Governu bankada sira hotu-hotu hetan ona no sei iha hela prosesu leitura.

Hanesan opozisaun, la'ós sira mak garantia programa ne’e atu liu ka lae, maibé ne’e responsabilidade Bloku Koligasaun nian. Tanba ne’e, to’o diskusaun plenária mak PLP bele afirma nia pozisaun ba programa ne’e.

Maski nune’e, partidu opozisaun liu husi koligasaun Aliansa Maioria Parlamentár (AMP), deklara ona atu vota kontra ba programa VII Governu Konstitusionál, maski programa ne’e rasik seidauk diskute hamutuk.

“Ami hakarak ko'alia frankamente, lakohi atu subar malu. Programa VII Governu nian ne’e opozisaun sei vota kontra”, dehan Prezidente Bankada Kmanek Haburas Unidade Timoroan (KHUNTO), Luis Roberto, hafoin asina plataforma koligasaun opozisaun AMP.

Nia esplika, programa no plataforma ne'ebé asina ona atu prepara hodi hakat ba VIII Governu, tanba atu valoriza no dignifika lei inan iha nasaun ne’e.

Dinámika polítika kontinua la’o, maibé parte Bloku Koligasaun husi Partidu Demokrátiku (PD) nafatin otimista Programa Governu nian sei pasa iha diskusaun no votasaun PN.

Prezidente Bankada PD, Maria Tereza Gusmão hateten, programa ne’e governu produs atu hadi'a povu nia moris, tanba ne’e difisil atu opozisaun sira vota kontra.

“Ita mai husi partidu ketak-katak, maibé ita nia objetivu ida de'it, ita hotu hakarak povu ne’e moris di'ak”, dehan nia.

Nia hatutan, polítika ne'ebé partidu opozisaun sira trasa ne’e sira nia direitu atu pronunsia pozisaun ida-idak nia partidu.

Hanesan iha nasaun ida hakarak ka lakohi iha opozisaun ne'ebé forsa atu bele halo kontrolu diretamente ba programa governu nian ne'ebé halo ho Orsamentu Estadu.

 

Published in Nasional

DILI: Deputadu Parlamentu Nasionál (PN) konsidera folin karreta prado ne’ebé leilaun ho $8.000 ne’e normál, tanba veíkulu ne’e barak laiha ona kondisaun.

Published in Nasional

DILI: Prezidente Parlamentu Nasionál, Adérito Hugo da Costa hateten, desizaun ne'ebé atu foti la’ós ema ida de’it. Tanba ne’e, jestaun sai ona ‘tradisaun’ iha Uma Fukun PN ne'ebé hahú kedas iha II lejizlatura nian.

Published in Nasional

DILI: Deputadu Parlamentu Nasionál sira tenke onestu ba prosesu hotu-hotu ne’ebé la'o iha Uma Fukun hodi labele subar iha lei nia okos atu benefisia ba ninia-aan rasik.

Published in Nasional
Página 1 de 2
MidAd1