Nia esplika, desizaun kona-ba karreta ne’e halo husi Konsellu Administrasaun ne'ebé kompostu husi reprezentante bankada hotu-hotu. Tanba ne’e, kuandu mandatu deputadu sira nia remata iha espasu ida para bele halo leilaun.

“Ida ne’e mós kuandu deputadu sira iha interese atu halo leilaun. Maibé, kuandu sira laiha interese, entaun karreta sira ne’e kontinua husik nafatin iha Parlamentu nu’udar patrimóniu, depois bele loke ba públiku”, tenik nia.

Nune’e, deputadu foun sira ne'ebé mai bele uza ba halo servisu operasionál. Ida ne’e mós la'ós atu kontinua uza. Tanba orsamentu atu sosa karreta foun ba membru deputadu iha IV lejizlatura ne’e prevé ona iha 2017.