Kinta, 27 Fevereiru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-02-26&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Povu Simu Xanana hafoin fila hikas husi Kopenagem, Dinamarka Povu Simu Xanana hafoin fila hikas husi Kopenagem, Dinamarka

Rejultadu FM: Parabens ba Xanana, Susésu ba Povu Featured

DILI:La senti loron manas, la senti kolen, povu kuaze rihun mai ho pamfletu oioin hakbesik an ba area aeroportu internasionál Nikolau Lobato hodi hein ita nia Aman Kay Rala Xanana Gusmão bainhira fila hikás husi Kopenagem, Dinamarka.

area aeroportu, segunda horsehik kuaze ema husi organizasaun oioin, tantu organizasaun kombatantes, husi sosiedade sivil no partidu politiku sira simu Xanana Gusmão nu’udar Xefe Negosiadór ba Delimitasaun Fronteira Maritíma.

Sekretariu Jerál Partidu CNRT, Fransisco Kalbuadi Lay, Presidente CPN-CNRT Dionisio Babo ho nia kuadru sira seluk akompaña husi militante sira balun hala’o pawai hafoin Xanana too iha aeroportu ba sede partidu CNRT.

Maski militante CNRT balun limite jornalista atu labele asesu iha pawai simu Xanana Gusmão too iha sede CNRT, maibé konsege hakalma situasaun ne’e.

Pawai ne’e hanesan agradesimentu ida ba Xanana nu’udar Xefe Negosiadór Fronteira Maritíma konsege alkansa akordu ida ho Australia atu rejolve disputa demilitasaun fronteira maritima liu husi lei internasionál, ne’ebé povu hein hela.

Iha konferensia imprensa, Xanana Gusmão hatete, luta ba markasaun fronteira martíma seidauk finál. Tanba ne’e, Timor-Leste kontinua kontakta Australia atu iha loron 19 too 23 fulan-Outubru 2017 enkontru ida iha Holanda ba desizaun finál.

“Ita tereseiru país iha mundu mak hatuur prosesu konsiliasaun fronteira maritíma tanba ita ba mai dalan ba ita laiha ema taka tiha, maibé ho esforsu bele la’o liu ita tenki kontenti,” dehan Xanana iha sede CNRT horsehik.

Responde kona-ba akompañamentu husi partidu CNRT iha aeroportu too sede CNRT, nia rasik la hatene planu ne’e.

Maibé, tuir nia katak saida mak nia halo la’os ba nia an maibé ba jerasaun foun sira moris aban bainrua nian.

“Lalika fó parabens mai ha’u, tanba ha’u kontinua de’it sira ne’ebé mate ona ba sira nia luta, tanba ita hetan ona media line fronteira nian tiha ona mak fó soberania mai ita,”tenik nia.

Nia husu ba povu tomak atu fó agradese ba Na’I Maromak tanba husi nia tulun fó forsa mak Timor-Leste bele besik alkansa nia objetivu prinsipal ba soberania fronteira maritime nian.

“Ha’u agrdese ba povu Australianu ne’ebé ho hanoin kata imi nia direitu no mos povu nia direitu nune’e mós ba komisaun ne’ebé durante ne’e servisu makás hodi buka dalan hodi hetan solusaun ne’ebé di’ak, ita hakarak buat ruma la fasil maibé ha’u hakarak agradese Australia ne’ebé too ikus senti katak ida ne’e dalan ne’ebé di’ak liu ba sira,”tenik eis Primeiru Ministru ne’e.

Iha sorin seluk, Assosiasaun dos Combatentes da Brigada Negra(ACBN) hamutuk ho povu Timor- Leste haksolok no orgullu ba negosiadór Kay Rala Xanana Gusmão ne’ebé hatudu ona ninia matenek hodi luta ba povu timorona ninia futuru.

Sekretariu Jeral ACBN Rui Qwiuatu hatete, Xanana hatudu duni ho kbi’it lulik rai ida ne’e hodi lori manan ba povu no nasaun viziñu rua Australia ho Timor-Leste. ACBN sauda maturidade politika no sentidu de estadu Xanana Gusmão nian. Rai lulik no saudoso a’as wain TL nian sei nafatin hamahan no fo’o beran ba ita.

Read 1494 times Last modified on Kuarta, 06 Setembru 2017 09:34
Rate this item
(0 votes)

About Author

MidAd1