Akordu hirak ne’e, ko’alia liu legalidade kona-ba statuta iha kampu Creater Sunrise, stabelesimentu rezime spesiál ba Creater Sunrise sai hanesan mata-dalan ba dezenvolvimentu rekursu no fahe resultadu rendimentu ne’ebé iha.
Iha enkontru ne’e koalia liu kona-ba konteudu konsiliasaun nian entre Timor-Leste no Australia bazea ba Lei tasi nian (UNCLOS) ne’ebé iha Tribunal Arbirtazen permanente nia okos.
Komisaun sei fila ba formaliza ba akordu entre parte rua ne’e no sei ko’alia nafatin pontu hirak ne’e to’o rohan, no bainhira rezolve isu hirak ne’e hotu parte rua ne’e sei mantain nafatin rai konfidensiál hiak ne’e. Biar nune’e parte rua ne’e aseita akordu hamutuk ona iha 30 fulan-Agusto 2017 no ida ne’e marka istoria ida entre Timor-Leste no Australia.
Tanba ne’e , Xanana Gusamão nu’udar Xefi Negosiadór hatoo obrigadu barak ba Komisaun ho nia skill no kapasidade tomak hodi lori parte rua too mai iha ne’e maski iha tempu naruk no prosesu ne’ebé defisil hodi ajuda ami hodi hetan ami nia mehi no hetan ami nia soberania tomak no ikus mai bele hetan solusaun ba ita nia fronteira maritima entre Timor-Leste no Austalia, ida nee sai hanesan marka istoria foun ida atu hahu ita nia amizade entre Timor Leste no Australia.
Ministra Negosiu Australia, Julie Bishop MP hatete, ida ne’e sai hanesan marka istorai ida entre Austalia no Timor-Leste nia relasaun ne’ebé metin, akordu ida ne’e mós suporta husi interese nasionál ba nasaun rua ne’e.
“Ba oin no bele hametin di’ak entre estadu rua ne’e nomos ba ita nia populasaau, rai rua ne’e metin liu tan. Ha’u agradese ba komisiaun konsialiasaun ne’ebé durante ne’e lori ona ita mai hamutuk,”dehan Julie.
Iha sorin seluk, Xefe Komisaun Ambassador Peter Taksoe-Jensen nu’udar reprentante ba komisaun, rekomenda ba parte rua ne’e atu iha kapasidade equlibru hodi hetan solusaun ne’ebé balansu hodi bele fó benefisia entre nasaun rua ne’e (Timor-Leste no Australia).
Nia dehan, negosiasaun hirak ne’e iha difikuldade nia laran maibé bele rezolve tanba ho kapasidade di’ak entre nasaun rua nia lideransa sira. Tanba ne’e iha 30 Agusto ida ne’e importante liu ba iha komisaun no, sei la lakon husi komisaun sira nia dokumentus. Husu ba nasaun rua ne’e, atu labele haluha marka istoria ida ne’e.
