PD Prontu Fó Votus ba Povu Nia Moris Di’ak Featured

By Maiu 15, 2018 1009
PD iha kampanha PD iha kampanha

DILI:Partidu Demokrátiku (PD) deklara prontu atu koopera ho VIII Governu hodi halo dezenvolvimentu mesmu iha opozisaun ou Governu.

Prezidente PD, Mariano ‘Assanami’ Sabino hateten, rezultadu provizóriu eleisaun antesipada PD hetan kadeira 5 iha Parlamentu Nasionál, ne’e sai ona husi esperansa, maibé demokrasia povu mak deside prontu simu realidade.

PD iha moto ‘Ba O Timor Maubere Oan Prontu Atu Serve’. Tanba ne’e, ba opozisaun ami prontu no ba governu mós ami prontu hodi serve nasaun no povu ne’e”, dehan nia, iha Sede PD, Kolmera, horisehik.

Assanami hatutan, partidu seluk hakarak atu konvida ba governu mós PD prontu, tanba atu ba ukun ne’e la'ós buka oportunidade maibé responsabilidade hodi halo desizaun ba povu no nasaun nia futuru.

Ba PD iha VIII governu konstitusionál ne’e prontu atu sai opozisaun konstrutivu no dinámika iha PN hodi diskute povu nia moris. Karik VIII Governu aprezenta programa iha PN reflete duni povu nia moris prontu atu vota afavór.

Rate this item
(0 votes)

Independente Digital TV